الماتى وبلىسىنىڭ جولدارىندا رۇقساتسىز كوكپار ۇيىمداستىرىپ ويناعان ازاماتتار قىلمىستىق جاۋاپكەرشىلىككە تارتىلدى. بۇل تۋرالى Polisia.kz حابارلادى.

كوكتەبى جانە راحات اۋىلدىق وكرۋگتەرىنىڭ تۇرعىندارى اراسىندا كوكپار ۇلتتىق ويىنى وتكەندىگى انىقتالدى. ءىس-شارا اياقتالعاننان كەيىن قاتىسۋشىلاردىڭ ءبىر بولىگى ويىندى جول بولىگىندە جالعاستىرعانى بەلگىلى بولدى. اتالعان زاڭعا قايشى ارەكەتتەردىڭ جولىن پاترۋلدىك پوليسيا ەكيپاجدارى دەر كەزىندە كەستى. سونىمەن قاتار، ۇلتتىق ويىندار جەرگىلىكتى اتقارۋشى ورگانداردىڭ كەلىسىمىنسىز وتكىزىلگەنىن اتاپ وتكەن ءجون.

ەستەرىڭىزگە سالا كەتەيىك، كوكپار تارتقانداردىڭ ۆيدەوسى الەۋمەتتىك جەلىلەر مەن مەسسەندجەرلەر بەتىندە كەڭىنەن تاراعان بولاتىن. بەينە تۇسىرىلىمنەن الماتى وبلىسى، ەڭبەكشىقازاق اۋدانى، راحات اۋىلدىق وكرۋگىندە 20-25 ادام رۇقساتسىز “كوكپار” ويىنىن ۇيىمداستىرعانىن كورۋگە بولادى.

ويىندى ۇيىمداستىرعاندار 1998، 1997، 2000، 1992 جىلعى الماتى وبلىسى راحات اۋىلىنىڭ تۇرعىندارى. ولار ق ر اكىمشىلك قۇقىق بۇزۋشىلىق تۋرالى كودەكسىنىڭ  434-بابى 1-بولىگى بويىنشا اكىمشىلىك جاۋاپكەرشىلىككە تارتىلدى.

ويىندى ۇيىمداستىرۋعا جانە وتكىزۋگە قاتىسقان وزگە دە ازاماتتار انىقتالۋدا.