ەلوردادا انا تىلىمىزگە دۋبلياجدالعان «العا» ءفيلمىنىڭ الدىن-الا كورسەتىلىمى ءوتتى. Disney/Pixar ستۋدياسىنىڭ مۋلتيپليكاسيالىق ءفيلمى، وسىمەن «بولاشاق» كورپوراتيۆتىك قورى مەن «مەلومان» كومپانياسىنىڭ باستاماسىمەن «وزىڭنەن باستا» جوباسى اياسىندا دۋبلياجداعان 34ء-شى تۋىندى بولىپ وتىر.

الدىن-الا كورسەتىلىم بارىسىندا ءسوز سويلەگەن «Nur Otan» پارتياسى ءتوراعاسىنىڭ ءبىرىنشى ورىنباسارى جانە «بولاشاق» قورى قامقورلىق كەڭەسىنىڭ قۇرمەتتى مۇشەسى باۋىرجان بايبەك ەل تاريحىنداعى كۇردەلى كەزەڭدەردىڭ ءبىرى بولعان تاۋەلسىزدىكتىڭ العاشقى جىلدارىندا تۇڭعىش پرەزيدەنت نۇرسۇلتان نازاربايەۆتىڭ «بولاشاق» ستيپەندياسىن تاعايىنداعانىن اتاپ ءوتتى. بۇگىنگى تاڭدا بىرەگەي باعدارلامانىڭ مىڭداعان تۇلەكتەرى وتانىنا قايتىپ ورالىپ، ەل ەكونوميكاسىنىڭ ءتۇرلى سالالارىندا جۇمىس ىستەۋدە. 2011 جىلى بولاشاقتىقتار قازاق ءتىلدى بالالارعا ارنالعان ساپالى جانە باسەكەگە قابىلەتتى كونتەنت قۇرۋعا باعىتتالعان «وزىڭنەن باستا» الەۋمەتتىك جوباسىنا باستاماشى بولدى. باستاماعا «Nur Otan» پارتياسى قولداۋ كورسەتتى.

«جاھاندانۋ كەزەڭىندە ءوز تاريحىنا تەرەڭ تامىر جىبەرگەن، ۇلتتىق مادەنيەتى مەن انا ءتىلىن ارداقتاي بىلگەن حالىقتىڭ عانا ءاردايىم ايى وڭىنان تۋماق. سوندىقتان دا «Nur Otan» ەلىمىزدەگى وزگە ۇلت وكىلدەرىنىڭ ءتولتۋما قاسيەتتەرىنىڭ ساقتالۋىن قۋاتتاي وتىرىپ، قازاق ءتىلىن، مادەنيەتى مەن ءداستۇرىن دامىتۋدى ءوز ستراتەگيالىق باسىمدىقتارىنىڭ ءبىرى رەتىندە بەلگىلەگەن. بۇدان توعىز جىل بۇرىن ەلباسىنىڭ تىكەلەي قولداۋىمەن قولعا الىنعان «وزىڭنەن باستا» الەۋمەتتىك جوباسىنىڭ ارقاسىندا وسى كەزگە دەيىن الەمدەگى ەڭ ۇزدىك 34 كوركەم جانە انيماسيالىق بالالار ءفيلمى قازاق تىلىندە دۋبلياجدالدى. وسى باستاماعا قىزۋ قولداۋ ءبىلدىرىپ، قازاق ءتىلىنىڭ بولاشاعىنا بەيجاي قارامايتىن بارشا دەمەۋشىلەر مەن مەسەناتتارعا ەرەكشە العىس بىلدىرەمىن» - دەپ اتاپ ءوتتى باۋىرجان بايبەك.

تۇڭعىش رەت قازاق دۋبلياجىنىڭ تاريحىندا فيلمدەگى ماتىندىك جازۋلار ءبىر ىزگە ءتۇسىرىلىپ، ىڭعايعا كەلتىرىلدى. «العا» ءفيلمى «BI Group» قۇرىلىس حولدينگىنىڭ قولداۋىمەن دۋبلياجدالعان - توعىزىنشى تۋىندى.

«تۋىندىنى جاساۋ بارىسىندا ءبىز شىعارماشىلىق ادامدارىمەن كوپ جۇمىس جاسادىق. بۇل دۋبلياج تاريحىنداعى جاڭا كەزەڭ بولدى. مەن بۇل ءساتتى ۇزاق كۇتتىم. ءتىپتى، وسى جازبالارعا كاستينگ تە جاريالاندى. ءبىز ەڭ ۇزدىگىن تاڭداپ الۋى ءۇشىن Disney/Pixar ستۋدياسىنا قازاق تىلىندەگى بىرنەشە ۇلگى جىبەردىك. ءفيلمدى دۋبلياجداۋ ءۇشىن ۇلكەن ەڭبەك جاسالعانىن كورەرمەندەر تۇسىنسە دەيمىن»، - دەدى دۋبلياجدىڭ رەجيسسەرى شاح-مۋرات وردابايەۆ.

 

 

 

پوسموترەت ەتۋ پۋبليكاسيۋ ۆ Instagram

 

 

جاھاندانۋ كەزەڭىندە ءوز تاريحىنا تەرەڭ تامىر جىبەرگەن، ۇلتتىق مادەنيەتى مەن انا ءتىلىن ارداقتاي بىلگەن حالىقتىڭ عانا ءاردايىم ايى وڭىنان تۋماق. سوندىقتان دا «Nur Otan» ەلىمىزدەگى وزگە ۇلت وكىلدەرىنىڭ ءتولتۋما قاسيەتتەرىنىڭ ساقتالۋىن قۋاتتاي وتىرىپ، قازاق ءتىلىن، مادەنيەتى مەن ءداستۇرىن دامىتۋدى ءوز ستراتەگيالىق باسىمدىقتارىنىڭ ءبىرى رەتىندە بەلگىلەگەن. ⠀ بۇگىن وتباسىممەن بىرگە «بولاشاق» باعدارلاماسىنىڭ تۇلەكتەرى مەن دەمەۋشىلەردىڭ قازاق تىلىندە دۋبلياجداعان «العا» ءفيلمىنىڭ كورسەتىلىمىنە باردىم. بۇدان توعىز جىل بۇرىن ەلباسىنىڭ تىكەلەي قولداۋىمەن قولعا الىنعان «وزىڭنەن باستا» الەۋمەتتىك جوباسىنىڭ ارقاسىندا وسى كەزگە دەيىن الەمدەگى ەڭ ۇزدىك 34 كوركەم جانە انيماسيالىق بالالار ءفيلمى قازاق تىلىندە دۋبلياجدالدى. وسى باستاماعا قىزۋ قولداۋ ءبىلدىرىپ، قازاق ءتىلىنىڭ بولاشاعىنا بەيجاي قارامايتىن بارشا دەمەۋشىلەر مەن مەسەناتتارعا ەرەكشە العىس بىلدىرەمىن.

پۋبليكاسيا وت باۋىرجان بايبەك (@baibekbk) 4 مار 2020 ۆ 6:16 PST

جالپى العاندا 9 جىل ىشىندە «مۇزدى ولكە-2»، «كولىكتەر 2»، «باتىل جۇرەك»، «كوكو قۇپياسى»، «موانا»، «مالەفيسەنتا»، «الاددين» جانە تاعى دا باسقا تۋىندىلار دۋبلياجدالدى. دۋبلياج سالاسىنداعى 200-دەن استام، ىشىندە رەجيسسەرلار، مۋزىكالىق جەتەكشىلەر، دىبىس رەجيسسەرلارى، اۋدارماشىلار مەن اكتەرلار دا بار وتاندىق ماماندار Disney ستۋدياسىنىڭ حالىقارالىق ستاندارتتارىنا سايكەس بىلىمدەرىن جەتىلدىردى.