"ءبىرىڭعاي جيناقتاۋشى زەينەتاقى قورى" اق-نىڭ سايتىندا 2020 جىلدىڭ العاشقى ايىندا قور سالىمشىلارىنا تولەنگە قارجى سوماسى جاريالاندى.

2020 جىلدىڭ العاشقى ايىندا 146 مىڭنان استام الۋشى ءۇشىن زەينەتاقى تولەمدەرى مەن ساقتاندىرۋ ۇيىمدارىنا جاسالعان اۋدارىمدار 17،9 ملرد تەڭگەنى قۇراعان.

"ونىڭ ىشىندە:

- زەينەت جاسىنا تولۋعا بايلانىستى – 7،4 ملرد تەڭگە؛

- قازاقستاننان شەتەلگە تۇراقتى تۇرۋعا كەتۋگە بايلانىستى – 4،8 ملرد تەڭگە؛

- ساقتاندىرۋ ۇيىمدارىنا جاسالعان اۋدارىمدار – 2،6 ملرد تەڭگە؛

- مۇراگەرلىك بويىنشا – 2،5 ملرد تەڭگە؛

- جەرلەۋگە بايلانىستى – 311 ملن تەڭگە؛

- مۇگەدەكتىگى بار جاندارعا – 200 ملن تەڭگە تولەندى.

بجزق-دان زەينەتاقى تولەمدەرىنىڭ ورتاشا سوماسى 100 803 تەڭگە بولدى. بۇل سوماعا كەستە بويىنشا تولەمدەر، سونىمەن قاتار زەينەت جاسى، شەتەلگە تۇراقتى تۇرۋعا كەتۋ، جەرلەۋ، مۇگەدەكتىك، مۇراگەرلىك جانە سوت شەشىمى بويىنشا ءبىرجولعى تولەمدەر كىرەدى. ال كەستە بويىنشا اي سايىنعى زەينەتاقى تولەمدەرىنىڭ ورتاشا سوماسى – 21 810 تەڭگە، اي سايىنعى ەڭ جوعارى تولەم – 446 794 تەڭگە بولدى" دەلىنگەن حابارلامادا.