ءومىر بويى باس بوستاندىعىنان ايىرۋ جازاسى كەسىلگەن ۆلاديسلاۆ چەلاح ءولدى دەگەن اقپاراتقا قاتىستى ىشكى ىستەر مينيسترلىگى قىلمىستىق-اتقارۋ جۇيەسى كوميتەتىنىڭ باسپا ءسوز قىزمەتى مالىمدەمە جاسادى، دەپ جازادى Qamshy.kz اقپارات اگەنتتىگى tengrinews.kz سايتىنىڭ دەرەگىن نەگىزگە الىپ.
"بۇل - جالعان اقپارات. ول ءتىرى. جازاسىن «قارا بۇركىت» ارنايى رەجيمىندەگى كولونيادا وتەپ جاتىر. دەنساۋلىعى دا ءبىرقالىپتى"، - دەپ ءتۇسىندىردى ۆەدومستۆا وكىلى.
بۇعان دەيىن باق-تا ۆلاديسلاۆ چەلاحتىڭ سۋيسيد جاسادى دەگەن اقپارات تاراعان بولاتىن.
ەسكە سالساق، شەكاراشى بولىپ قىزمەت ەتكەن قاراعاندىلىق ۆلاديسلاۆ چەلاح 2012 جىلى ءومىر بويى باس بوستاندىعىنان ايىرىلدى. وعان "ارقانكەرگەن" شەكارا بەكەتىندە 14 شەكاراشىنى ءولتىردى دەگەن ايىپ تاعىلدى.
پىكىر قالدىرۋ