نۇر-سۇلتانعا سەۋلدەن 178 جولاۋشىسى بار بورت كەلىپ قوندى. بۇل تۋرالى دەنساۋلىق ساقتاۋ مينيسترلىگىنىڭ رەسمي وكىلى دياس احمەتشارىپ حابارلادى. 

كەلگەندەردىڭ ىشىندەگى 93 قازاقستاندىق ستاسيونارداعى كارانتينگە جاتقىزىلادى، ترانزيت جولاۋشىلار وزگە ەلدەرگە كەتەدى. 

– بۇگىن ەلوردا اۋەجايىنا سەۋل – نۇر-سۇلتان بورتى ۇشىپ كەلدى. جالپى 178 ادام، ونىڭ ىشىندە 85 ادام ترانزيتپەن كەلگەن، رەسەي – 31، وزبەكستان – 51، گرۋزيا – 3 جولاۋشى. 93 قازاقستاندىق بار، ولاردىڭ ەكەۋى بالا. ولاردىڭ بارلىعى نۇر-سۇلتان قالاسىنداعى مەديسينالىق ورتالىقتارعا جەتكىزىلەدى، – دەدى احمەتشارىپ بريفينگتە.

ول ترانزيتتىك ازاماتتاردىڭ اۋەجايدان شىقپاعانىن ءتۇسىندىردى.

– جولاۋشىلار ءقازىر ءوز رەيستەرىن كۇتۋدە. ياعني، ولار قازاقستان شەكاراسىنان ءوز وتاندارىنا ورالۋدى جوسپارلاپ وتىر، – دەدى دياس احمەتشارىپ.