قىتايدا 52 مىڭنان استام ادام كوروناۆيرۋستان ەمدەلىپ شىقتى. بۇل تۋرالى ق ر دەنساۋلىق ساقتاۋ مينيسترلىگىنىڭ رەسمي وكىلى دياس احمەتشارىپ ايتتى.
– قازىرگى تاڭدا قىتايدا كوروناۆيرۋسپەن 80 565 ادام تىركەلدى. ۆيرۋستى جۇقتىرعاندار ءبىر تاۋلىكتە 139 ادامعا ءوسىپ وتىر. ول 0،18 پايىز ءوسىمدى قۇرايدى. قايتىس بولعاندار سانى 3 015 ادام. بۇل 3،7 پايىزدى قۇرايدى. ەمدەلىپ شىققاندار 52 109 ادام، ياعني 64،6 پايىز بولسا، ستاسيونارلاردا ازىرگە ەمدەلىپ جاتقان 25 441 ناۋقاس بار، – دەدى احمەتشارىپ.
ونىڭ ايتۋىنشا، قايتىس بولعانداردىڭ ورتاشا جاسى 75-تە، ەڭ كىشىسى - 48، ال جاسى ۇلكەنى 89-دا. الەم بويىنشا 79 ەلدە 14 747 ناۋقاس تىركەلگەن. تاۋلىك بويىنشا ناۋقاستار 17،2 %-عا وسكەن، ونىڭ 271ء-ى قايتىس بولدى.
پىكىر قالدىرۋ