«Nur Otan» پارتياسى ەل ىشىندەگى قوردالانعان ماسەلەلەرمەن تانىسىپ، ولاردى شەشۋ ءۇشىن شالعاي ەلدىمەكەندەردى ارالاپ، ءار ماسەلەگە جەكە-جەكە كوڭىل بولۋدە. سونداي كەزەكتى ماسەلەنىڭ شەشىلۋ بارىسى تۋرالى «Nur Otan» پارتياسى ءتوراعاسىنىڭ ءبىرىنشى ورىنباسارى باۋىرجان بايبەك ءوزىنىڭ facebook-تاعى پاراقشاسىندا حابارلادى.

"ەلباسىنىڭ تاپسىرماسى بويىنشا، «Nur Otan» پارتياسى حالىقتى تولعاندىراتىن ءتۇيىندى ماسەلەلەردى جانە ولاردىڭ شەشۋ جولدارىن بىرگە تالقىلاۋ ءۇشىن ەلىمىزدىڭ شالعايداعى اۋىلدارى مەن ەلدىمەكەندەرىنىڭ تۇرعىندارىمەن كەزدەسۋدە.
⠀
تۇركىستان وبلىسىنا جاساعان جۇمىس ساپارىمىزدىڭ بارىسىندا جەتىساي اۋدانىنا قاراستى اباي اۋىلىنىڭ تۇرعىندارى 2600-دەن استام شارۋا قوجالىعى پايدالاناتىن ك-30 سۋارۋ كانالىن قايتا قالپىنا كەلتىرۋ جۇمىستارىنىڭ ۇزاققا سوزىلعانى تۋرالى ماسەلەنى كوتەرگەن بولاتىن.
⠀
ۋادە ەتكەنىمدەي، وسى ساپاردان كەيىن پارتيا مۇشەلەرى – اۋىل شارۋاشىلىعى جانە تابيعي رەسۋرستار مينيسترلەرىمەن ارنايى جيىن وتكىزدىم. جاقىن ارادا ۋاكىلەتتى مەملەكەتتىك ورگاندار پارتيالىق باقىلاۋعا الىنعان ماسەلەلەردى شەشۋدىڭ جەكە جول كارتاسىن ەنگىزەدى. بۇگىن ەكولوگيا، گەولوگيا جانە تابيعي رەسۋرستار ءمينيسترى ماعزۇم مىرزاعالييەۆ سول جەردە جاعدايمەن تانىسىپ، اۋىل تۇرعىندارىمەن كەزدەستى. ناتيجەلەرى تۋرالى قوسىمشا حابارلايمىز" دەلىنگەن باۋىرجان قىدىرعالي ۇلىنىڭ جازباسىندا.