جامبىل وبلىسىنىڭ قورداي اۋدانىندا بولعان قازاق-دۇنگەن جانجالىنان كەيىن بەس ادام ۇستالدى. بۇل تۋرالى باس پروكۋروردىڭ ورىنباسارى بولات دەمبايەۆ مالىمدەدى.
– قوردايداعى جاعداي بويىنشا بەس ادام ۇستالدى. ەكەۋى بۇزاقىلىق جاساپ، ەرەسەك ادامدى ۇرىپ-سوققانى ءۇشىن جانە پوليسيا قىزمەتكەرلەرىنە باعىنباعانى ءۇشىن ۇستالدى. بۇل تۋرالى باق-تاردا جازىلدى. ال ءورت شىعارىپ، ادام ءولتىرۋ دەرەكتەرى بويىنشا تەرگەۋ ءجۇرىپ جاتىر. ءالى ەشكىمدى ۇستاعان جوقپىز. سەبەبى وندا ءىس ماتەريالدارى كوپ، – دەدى دەمبايەۆ.
ونىڭ ايتۋىنشا، كۇدىكتىلەردىڭ ءبارى ۇستالعان جوق.
– ۆيدەوماتەريالداردى قاراپ جاتىرمىز، سودان كەيىن عانا شەشىم قابىلدانادى، – دەدى باس پروكۋروردىڭ ورىنباسارى.
بۇعان دەيىن، ىشكى ىستەر مينيسترلىگى كەيبىر جەرگىلىكتى بيلىك ورگاندارىنا جامبىل وبلىستىق پوليسيا دەپارتامەنتىنىڭ اۋماقتىق بولىمشەلەرى 25-تەن استام قىلمىستىق ءىس قوزعاعانىن حابارلاعان بولاتىن.
پىكىر قالدىرۋ