ەكى ادامنان كوروناۆيرۋس انىقتالعان الماتىدا ءدال ءقازىر توتەنشە جاعداي جاريالاۋعا نەگىز جوق. بۇل تۋرالى قازاقستان دەنساۋلىق ساقتاۋ ءمينيسترى ەلجان ءبىرتانوۆ ايتتى.
“ءقازىر قالادا توتەنشە جاعداي جاريالاۋدى جەرگىلىكتى اكىمدىك شەشەدى. ارينە، ءبىز ولارمەن بايلانىستامىز. ءبىراق ءدال ءقازىر توتەنشە جاعداي جاريالاۋعا نەگىز جوق. ەگەر كوروناۆيرۋس جۇقتىرعاندار سانى وسسە، توتەنشە جاعداي جاريالانۋى دا مۇمكىن” دەدى ءبىرتانوۆ.
بۇگىن گەرمانيادان كەلگەن ەكى قازاقستان ازاماتىنىڭ كوروناۆيرۋس جۇقتىرعانى انىقتالعان بولاتىن. ولار ءقازىر الماتىداعى ينفەكسياعا قارسى كارانتيندىك ستاسيونارعا جاتىر. مينيسترلىكتىڭ دەرەگىنشە، ۆيرۋس جۇقتىرعان ەكى قازاقستاندىقتىڭ ءبىرى 1974 جىلى، ەكىنشىسى 1984 جىلى تۋعان.
پىكىر قالدىرۋ