قازاقستاندا ءۇشىنشى ادامنان كوروناۆيرۋس تابىلدى. بۇل تۋرالى دەنساۋلىق ساقتاۋ ءمينيسترى ەلجان ءبىرتانوۆ مالىمدەدى.
"تاعى ءبىر پاسيەنتتەن ۆيرۋس تابىلدى. ايەل ادام 12 ناۋرىزدا نۇر-سۇلتانعا ميلاننان كەلگەن" دەدى ءبىرتانوۆ.
ءمينيستردىڭ ايتۋىنشا، ول ادام كەلە سالا كارانتيندىك نىسانعا جاتقىزىلعان. ۇشاقتا بولعان 90 جولاۋشىعا مەديسينالىق كومەك كورسەتىلىپ جاتىر. ولار دا كارانتينگە الىنباق.
تاعى وقىڭىز!
♦ ۆيرۋسولوگ: قازاقستاندا كوروناۆيرۋسقا قارسى پرەپاراتتار جاساۋعا مۇمكىنشىلىك بار
بۇعان دەيىن گەرمانيادان كەلگەن ەكى قازاقستان ازاماتىنىڭ كوروناۆيرۋس جۇقتىرعانى انىقتالعان بولاتىن. ولار ءقازىر الماتىداعى ينفەكسياعا قارسى كارانتيندىك ستاسيوناردا جاتىر.
پىكىر قالدىرۋ