دەنساۋلىق ساقتاۋ ءمينيسترى ەلجان ءبىرتانوۆ قازاقستاندىقتارعا ءتۇرلى جيىندار مەن تويلارعا بارماۋعا كەڭەس بەردى. بۇل تۋرالى مينيستر "كوروناۆيرۋستىق ينفەكسيا بويىنشا اعىمداعى جاعداي" اتتى بريفينگتە ايتتى.
"ءقازىر جاعداي قيىن. ءبىزدىڭ دارىگەرلەرگە قولداۋ كەرەك. سەبەبى ولار جۇقپالى اۋرۋلارمەن تىكەلەي جۇمىس ىستەپ جاتىر. تەك قانا دارىگەرلەر ەمەس، ءبىزدىڭ شەكاراشىلار دا، پوليسيا قىزمەتكەرلەرى دە قاجەتتى جۇمىستارىن ىستەپ جاتىر. مۇمكىندىگىنشە، ءبىز ولاردى قورعاۋىمىز كەرەك. سەبەبى ولار دا باسقا ازاماتتارمەن بايلانىسقا تۇسەدى. باسقا ازاماتتارعا وسى جۇقپالى اۋرۋدى تاراتسا، بۇل كۇردەلى ماسەلەگە اينالادى. ەڭ ءتيىمدى الدىن الۋ شاراسى - گيگيەنانى ساقتاۋ جانە يزولياسيا. مۇمكىندىك بولسا، قاجەتسىز كەزدەسۋگە، مەرەكەلەرگە، تويلارعا قاتىسپاي ۇيدە وتىرايىق. وندا كىتاپ وقىپ، كينو كورىڭىز. ءقازىر سونداي ۇسىنىستار ءتۇسىپ جاتىر. مەن مۇنى "وتە جاقسى ۇسىنىس" دەپ ويلايمىن. مۇمكىندىك بولسا، ۇسىنىستى قولداڭىز. سوندا ءبارى دۇرىس بولادى دەپ سەنەمىن"، - دەدى مينيستر.
پىكىر قالدىرۋ