دەنساۋلىق ساقتاۋ ءمينيسترى ەلجان ءبىرتانوۆ كوروناۆيرۋس جۇقتىرعان ناۋقاستار ءتيىستى شارالاردى ىستەمەسە قانداي جاۋاپكەرشىلىككە تارتىلاتىنىن ايتتى.
– ءبارىمىز بۇنى جۇقپالى اۋرۋ ەكەنىن دۇرىس ءتۇسىنۋىمىز كەرەك. وكىنىشكە قاراي ۆيرۋس ەلدە تەز تارالادا. ءبىراق بۇل ادام ءومىرىن ولىمگە اكەلەتىن اۋرۋ ەمەس، قاراپايىم ينفەكسيالىق اۋرۋ. سول ءۇشىن ۇيدە وتىرىپ، قورقۋ دۇرىس ەمەس. الايدا ءسىز جەكە گيگيەنالىق تالاپتاردى ساقتاۋىڭىز قاجەت. ءۇي كارانتينىن بۇزعان ازاماتتار 5 اەك ايىپپۇل تولەيدى، بۇل 13 مىڭ تەڭگەدەن اسادى، – دەدى ءبىرتانوۆ وكق-دا وتكەن بريفينگتە.
ونىڭ ايتۋىنشا، كارانتيندى بۇزۋشىلار مەن كوروناۆيرۋستى جاسىرعان قازاقستاندىقتار قىلمىستىق جاۋاپكەرشىلىككە تارتىلىپ، قاماۋعا الىنادى.
– ۋاكىلەتتى ورگاندارعا قارسى شىققان كارانتيندى بۇزۋشىلارعا قوسىمشا اكىمشىلىك شارالار قولدانىلادى. ولاردى تۇتقىنعا الادى. ەگەر دە ۆيرۋسپەن انىقتالعان ناۋقاس تابىلىپ، باسقا ازاماتتار اۋىرىپ قالسا، زاڭ الدىندا قىلمىستىق ءىس قوزعالادى، ءبارى قىلمىستىق جاۋاپكەرشىلىككە تارتىلادى، – دەدى مينيستر
پىكىر قالدىرۋ