باسقارما تاراتقان اقپاراتقا ساي، كۇدىكتى ادام 1949 جىلى تۋعان وار-دىڭ ازاماتى. سەمەيدە جۇمىس ىستەيدى. تەحنيكالىق جيىنعا دۋباي مەن نۇر-سۇلتان ارقىلى شىعىس قازاقستان وبلىسىنا كەلگەن. 12 ناۋرىز كۇنى ءوزىن جايسىز سەزىنىپ، دەنەسى قىزا باستاپ، جەڭىل تۇماۋ بەلگىلەرى بايقالعان. ارەكەت الگوريتمى نەگىزىندە جەدەل جاردەم ستانساسى ناۋقاستى ارنايى قورعانىس كوستيۋمىندە ينفەكسيالىق ستاسيونارعا جەتكىزگەن. پاسيەنت اۋرۋحاناعا جاتقىزىلدى.
– ناۋقاسقا جرۆي، ورتاشا دەڭگەيدەگى برونحيت، ەكىنشى دەڭگەيدەگى قانت ديابەتى دياگنوزى قويىلىپ وتىر. اناليزدەر وسكەمەندەگى زەرتحاناعا جىبەرىلدى. ونىڭ ناتيجەسى ەرتەڭ انىقتالۋى كەرەك، – دەدى سەمەي قالالىق ساپانى باقىلاۋ جانە تاۋار مەن قىزمەت قاۋىپسىزدىگى باسقارماسىنىڭ جەتەكشىسى بەرىك تلەبالدين.
♦ۆيرۋسولوگ: قازاقستاندا كوروناۆيرۋسقا قارسى پرەپاراتتار جاساۋعا مۇمكىنشىلىك بار
بۇعان دەيىن الەۋمەتتىك جەلىلەردە "سەمەيدە كوروناۆيرۋس تابىلدى" دەلىنگەن ۆيدەو تارالعان. وندا ارنايى قورعانىس كوستيۋمىندەگى قىزمەتكەرلەر زەمبىلگە سالىنعان ادامدى قوناق ۇيدەن الىپ شىعىپ، جەدەل جاردەم كولىگىنە سالىپ جاتىر. ۆيدەونى ءتۇسىرىپ تۇرعان ازاماتتىڭ "كوروناۆيرۋس پا" دەگەن ساۋالىنا ەشكىم جاۋاپ بەرمەدى.
