دەنساۋلىق ساقتاۋ ءمينيسترى ەلجان ءبىرتانوۆ كوروناۆيرۋس انىقتالعان قازاقستاندىقتىڭ ءبىرى، ەلگە 9 ناۋرىزدا كەلگەن ازاماتتان ۆيرۋس نەلىكتەن بىرنەشە كۇن وتكەننەن كەيىن انىقتالعانىن ءتۇسىندىردى.
ونىڭ سوزىنشە، قاۋىپتىلىگى ورتاشا ەل – گەرمانيادان كەلگەن ازامات ۇشاقتان تۇسىسىمەن وزگە جولاۋشىلارمەن بىرگە باقىلاۋعا الىنىپ، ۇيىنە جىبەرىلگەن. كەشە، 12 ناۋرىز كۇنى ازامات دەنساۋلىعىنا شاعىم ايتقان سوڭ، اناليز الىنعان. اناليز قورىتىندىسى بويىنشا اتالعان ازامات كوروناۆيرۋس ينفەكسياسىن جۇقتىرعانى بەلگىلى بولدى.
بۇگىندە اتالعان تۇلعامەن بايلانىستا بولعاندار انىقتالۋ ۇستىندە. انىقتالعاندار تەكسەرىلىپ، جاعدايىنا قاراي نە ۇيلەرىندە وقشاۋلانادى، نە مەديسينالىق كارانتينگە جاتقىزىلادى.
♦ ۆيرۋسولوگ: قازاقستاندا كوروناۆيرۋسقا قارسى پرەپاراتتار جاساۋعا مۇمكىنشىلىك بار
پىكىر قالدىرۋ