بۇگىن، 15 ناۋرىزدا قازاقستاندا تاعى دا 2 ادامنان كوروناۆيرۋس تابىلدى. بۇل تۋرالى دەنساۋلىق ساقتاۋ ءمينيسترى ەلجان ءبىرتانوۆ مالىمدەدى.
"بۇگىن تاڭەرتەڭ كوروناۆيرۋس جۇقتىرعان 2 ناۋقاس تىركەلدى. ءبىرىنشىسى ناۋقاس بۇرىن كوروناۆيرۋس تابىلعان 1958 جىلعى ەر ادامنىڭ ايەلى. ولار ماسكەۋدەن ۇشىپ كەلگەن بولاتىن. سوڭعى اناليز ناتيجەسى بويىنشا ايەل ادامنان كوروناۆيرۋس تابىلدى. ءقازىر ونىڭ وتباسى مەن بايلانىستا بولعان ادامدار كورانتينگە جاتقىزىلدى. ال ەكىنشىسى 1995 جىلعى ەر ادام كەشە سەۋلدەن الماتىعا كەلگەن. ونىڭ جانىنداعى جولاۋشىلار كارانتينگە جاتقىزىلدى" دەدى مينيستر.
وسىلايشا قازاقستاندا كوروناۆيرۋس جۇقتىرعاندار سانى سەگىزگە جەتتى. سوڭعى دەرەك بويىنشا، ستاسيونارلىق كارانتيندە 1425، ءۇي كارانتينىندە 496 ادام جاتىر.
پىكىر قالدىرۋ