بۇل تۋرالى Qamshy.kz اقپارات اگەنتتىگى الماتى وبلىسى اكىمىنىڭ باسپا ءسوز قىزمەتىنە سىلتەمە جاساپ حابارلايدى.
بەلگىلى بولعانداي، ەلدەگى كوروناۆيرۋس ينفەكسياسىنىڭ لابوراتوريالىق دالەلدەنگەن جاعدايىنىڭ تىركەلۋىنە بايلانىستى ونىڭ وبلىس اۋماعىنا كەلۋى مەن تارالۋىنا جول بەرمەۋ ماقساتىندا الماتى وبلىسىنىڭ باس سانيتار دارىگەرى قايرات بايمۇحامبەتوۆ «الماتى وبلىسىندا كوروناۆيرۋس ينفەكسياسىنىڭ كەلۋى مەن تارالۋىنا جول بەرمەۋ جونىندەگى شارالاردى كۇيشەيتۋ تۋرالى» قاۋلى قابىلدادى.
بۇل قاۋلى ءتيىستى زاڭنامالارعا جانە ق ر دەنساۋلىق ساقتاۋ ءمينيسترى مەن الماتى وبلىسىنىڭ اكىمىمەن بەكىتىلگەن «قازاقستان رەسپۋبليكاسىندا كوروناۆيرۋس ينفەكسياسى انىقتالعان جانە تارالعان جاعدايدا ارەكەت ەتۋ الگوريتمىنە» سايكەس قابىلداندى.
قاۋلىدا «قورعاس» حشىو جۇمىسىن 15 ناۋرىزدان باستاپ توقتاتۋ جانە «قورعاس» شحىو-نىڭ وبلىستىڭ باس مەملەكەتتىك سانيتارلىق دارىگەرىنىڭ ەرەكشە وكىمى شىققانعا دەيىن جابىق بولاتىنى تۋرالى ايتىلعان. سول سياقتى قاۋلىعا سايكەس بارلىق وندىرىستىك عيماراتتاردا سانيتارلىق-دەزينفەكسيالىق كۇشەيتىلگەن رەجيم جۇرگىزىلەدى.
«ازاماتتار جاپپاي جانە ۇزاق مەرزىم بولاتىن عيماراتتاردا قول جۋۋعا ارنالعان دەزينفەكسيالاۋشى قۇرالى بار جابدىقتار (سانيتايزەرلەر) ورناتىلۋى ءتيىس»، - دەپ جازىلعان قاۋلىدا.
وقي وتىرىڭىز: "قورعاس» شىحو قازاقستاندىق بولىگىنىڭ جۇمىسى ۋاقىتشا توقتاتىلادى
پىكىر قالدىرۋ