«ءبىزدىڭ بۇگىنگى تىنىش ءومىرىمىزدى، تابىستارىمىزدى، تۇراقتى تىرشىلىگىمىزدى كورە المايتىن جاۋلار دا جەتكىلىكتى. ونى ەشقاشان ەستەن شىعارماۋىمىز كەرەك». ق ر پرەزيدەنتى قاسىم-جومارت توقايەۆتىڭ بۇل سوزدەرىن مەملەكەت باسشىسىنىڭ باسپا ءسوز حاتشىسى بەرىك ءۋالي پاراقشاسىندا جاريالادى.
– بۇگىنگى الەم تۇراقتى ەمەس. جاھانداعى احۋال كۇن سايىن وزگەرىپ جاتىر. وتە قۇبىلمالى جاعدايدا ءومىر ءسۇرىپ كەلەمىز. كەزىندە قىرعي-قاباق سوعىس زامانى وتكەن كەزدە بارلىق ساياساتكەرلەر ەندى الەمنىڭ كەلەشەگى جارقىن بولادى، قوي ۇستىنە بوزتورعاي جۇمىرتقالاعان زامان كەلەدى، قاقتىعىستار بولمايدى دەپ ايتقان بولاتىن. دەگەنمەن، مۇنداي بولجامدار بۇرىس بولىپ شىقتى. ءقازىر ادامزاتتىڭ بولاشاعى بۇلىڭعىر. ءبىزدىڭ ەلىمىز دە دۇنيە ءجۇزىنىڭ ءبىر بولىگى، – دەپ ايتتى توقايەۆ.
سونداي-اق، ول قازاقستاننىڭ ءوز حالقىنان باسقا ەشكىمگە كەرەگى جوعىن، تۇراقتى تىرشىلىگىمىزدى كورە المايتىن جاۋلاردىڭ دا جەتكىلىكتى ەكەنىن اتاپ ءوتتى.
پىكىر قالدىرۋ