الماتىدا كوروناۆيرۋس جۇقتىرعان ايەل ادام وزىمەن بايلانىستا بولعان ادامدار تۋرالى مالىمەت بەرۋدەن باس تارتقانى ءۇشىن قىلمىستىق جاۋاپكەرشىلىككە تارتىلدى. بۇل تۋرالى الماتى قالالىق پولسيا دەپارتامەنتى حابارلادى.
"الماتى قالالىق پوليسيا دەپارتامەنتى كوروناۆيرۋس جۇقتىرعان ازامات ب-نىڭ سانيتارلىق قىزمەت جۇمىسىنا كەدەرگى كەلتىرىپ، ۆيرۋسقا شالدىققاننان كەيىن وزىمەن بايلانىستا بولعان ازاماتتاردىڭ مالىمەتتەرىن بەرۋدەن قاساقانا باس تارتقانىن حابارلايدى. ول قىلمىستىق كودەكسىنىڭ 304-بابى (سانيتارلىق ەرەجەنى نەمەسە گيگيەنالىق نوماتيۆتەردى بۇزۋ) بويىنشا قىلمىستىق جاۋاپكەرشىلىككە تارتىلدى" دەلىنگەن ورگان تاراتقان حابارلامادا.
قازاقستان دەنساۋلىق ساقتاۋ مينيسترلىگىنىڭ سوڭعى اقپاراتى بويىنشا، ەلدە سەگىز ادامنان كوروناۆيرۋس تابىلعان. ولاردىڭ التاۋى – الماتىدا، ەكەۋى نۇر-سۇلتاندا كارانتيندىك ستاسيوناردا ەمدەلىپ جاتىر. بۇعان قوسا، 1400-دەن استام ادام ستاسيونارلىق كارانتيندە، 545 ادام ۇيدەگى كارانتيندە جابىلعان.
بۇگىن پرەزيدەنت قاسىم جومارت توقايەۆ كوروناۆيرۋسقا بايلانىستى قازاقستان اۋماعىندا ءبىر ايلىق توتەنشە جاعداي جاريالادى.
پىكىر قالدىرۋ