جامبىل وبلىسىنىڭ اكىمى بەردىبەك ساپاربايەۆ تاراز ءدارىحانالارىن دەزينفەكسيالىق قۇرالدارمەن جانە مەديسينالىق ماسكالارمەن قانشالىقتى قامتاماسىز ەتىلگەنىن تەكسەردى. بۇل تۋرالى ايماق باسشىسىنىڭ باسپا ءسوز قىزمەتى حابارلادى.
– جامبىل وبلىسىنىڭ اكىمى بەردىبەك ساپاربايەۆ تاراز سۋپەرماركەتتەرىندەگى الەۋمەتتىك ماڭىزى بار ازىق-تۇلىك تاۋارلارىنىڭ باعالارىن تەكسەرىپ، قالاداعى بىرنەشە ءدارىحانالاردا بولدى. دەزينفەكسيالىق قۇرالدار مەن مەديسينالىق ماسكالار بار، ءبىراق ولاردىڭ قۇنى نەگىزسىز جوعارى، – دەپ ءتۇسىندىردى ايماق باسشىسىنىڭ باسپا ءسوز قىزمەتى.
وبلىستىڭ دەنساۋلىق ساقتاۋ دەپارتامەنتى مالىمەتىنشە، ايماقتا كوروناۆيرۋستىڭ جاڭا موديفيكاسياسىنىڭ تارالۋىن بولدىرماۋ ءۇشىن الدىن-الۋ شارالارى كۇشەيتىلۋدە.
سونداي-اق وبلىستىق بالالار جۇقپالى اۋرۋلار ەمحاناسىندا جۇقپالى اۋرۋلار بولىمىندە ناۋقاستاردى قابىلداۋ جانە گوسپيتاليزاسيالاۋ ءۇشىن 500-دەن استام توسەك دايىندالدى، قوسىمشا 300-دەن استام توسەك ورنالاستىرىلادى. بارلىق مەديسينالىق ۇيىمدار جەكە قورعانىس قۇرالدارىمەن، ۆيرۋسقا قارسى پرەپاراتتارمەن جەتكىلىكتى تۇردە قامتاماسىز ەتىلگەن. دارىگەرلەرگە بەلگىسىز پنيەۆمونيانىڭ دياگنوستيكاسى، ەمى جانە الدىن-الۋ بويىنشا كونسۋلتاسيالىق سەمينارلار وتكىزىلدى.
پىكىر قالدىرۋ