تۇركىستان وبلىسىندا كارانتيننەن قاشىپ كەتكەن شىمكەنت قالاسىنىڭ تۇرعىنى تەرگەلىپ جاتىر. بۇل تۋرالى Polisia.kz حابارلادى.
"10 ناۋرىز كۇنى ول ماسكەۋدەن الماتى قالاسىنا ۇشىپ كەلگەن. وسى رەيستەگى جولاۋشىلاردىڭ بىرىندە كوروناۆيرۋستىڭ بەلگىسى انىقتالعان بولاتىن. سول سەبەپتى باسقا دا جولاۋشىلار قازىعۇرت اۋداندىق جۇقپالى اۋرۋلار اۋرۋحاناسىنا 14 كۇنگە كارانتينگە جىبەرىلدى. تارتىپكە كونگىسى كەلمەگەن شىمكەنتتىك ازامات اۋرۋحانانى تاستاپ شىعادى. دەرەۋ ىزدەۋگە كىرىسكەن پوليسەيلەر ونى ارىس قالاسىنداعى اتا-اناسىنىڭ ۇيىنەن تاپتى. سول جەردەن ول قايتادان قازىعۇرت اۋداندىق جۇقپالى اۋرۋلار اۋرۋحاناسىنا جەتكىزىلدى" دەلىنگەن حابارلامادا.
شىمكەنت قالاسىنىڭ تۋماسى ۆەتنامدا جۇمىس ىستەپتى. الەمدە كوروناۆيرۋستىڭ سالدارى ۋشىققان سەبەپتى الماتى قالاسىنا ماسكەۋ ارقىلى ترانزيتپەن ۇشىپ كەلگەن.
بۇل جايت ق ر قىلمىستىق كودەكسىنىڭ 304-بابى “سانيتاريالىق قاعيدالاردى نەمەسە گيگيەنالىق نورماتيۆتەردى بۇزۋ” بويىنشا سوتقا دەيىنگى تەرگەپ-تەكسەرۋدىڭ ءبىرىڭعاي تىزىلىمىنە تىركەلدى. پوليسيا قىزمەتكەرلەرى ءىستىڭ تولىق ءمان-جايىن انىقتاپ جاتىر.
پىكىر قالدىرۋ