بۇگىن، 17 نارۋىزدا قازاقستان پرەزيدەنتى قاسىم-جومارت توقايەۆ ۇلتتىق قوعامدىق سەنىم كەڭەسىنىڭ مۇشەسى، ساياساتتانۋشى راسۋل جۇمالىنى قابىلدادى. بۇل تۋرالى اقوردا سايتى حابارلادى.
"كەزدەسۋ بارىسىندا ەلىمىزدەگى بۇقارالىق اقپارات قۇرالدارىنىڭ قازىرگى احۋالى جانە ونى دامىتۋ، وتاندىق كونتەنتتىڭ ساپاسىن ارتتىرۋ، مەملەكەتتىك ءتىلدى وركەندەتۋ، سونداي-اق، قوعامدىق-ساياسي، اعارتۋشىلىق جۇمىستار جايىندا ءسوز بولدى. بۇدان بولەك ساياساتتانۋشى ۇلتتىق قوعامدىق سەنىم كەڭەسىنىڭ باستامالارىنا قولداۋ ءبىلدىرىپ، ونىڭ جۇمىسىن ودان ءارى ىلگەرىلەتۋگە، جاستار ساياساتى ماسەلەسىنە قاتىستى ءوز ويىمەن ءبولىستى" دەلىنگەن اقوردا حابارلاماسىندا.
پىكىر قالدىرۋ