الماتى قالاسىنىڭ اكىمى باقىتجان ساعىنتايەۆ 19 ناۋرىز كۇنى ساعات 00:00-دە ەنگىزىلەتىن كارانتيننىڭ قالاي جۇزەگە اساتىنى تۋرالى مالىمدەمە جاسادى.

قالا باسشىسىنىڭ سوزىنشە، الماتىداعى كارانتيننىڭ باستى ماقساتى – ينفەكسيانىڭ تارالۋىن توقتاتۋ.

كارانتين بويىنشا تومەندەگىدەي شارالار قولعا الىنباق:

– ءوزىن-وزى وقشاۋلاۋ جانە ءۇي كارانتينى مەحانيزمدەرى ارقىلى ەپيدەمياعا قارسى اۋقىمدى ءىس-شارالاردى جۇرگىزۋ؛

– كوشەلەردى، تراتۋارلاردى جۋۋ، دەزينفەكسيالاۋ ارقىلى جۇعۋ ورگاندارىن بۇعاتتاۋ؛

– قوعامدىق ورىنداردا، تۇرعىن ۇيلەردە سانيتاردىق-ەپيدەميولوگيالىق دەزينفەكسيانى كۇشەيتۋ؛

– ازاماتتار مەن اۆتوكولىك قۇرالدارىنىڭ الماتى قالاسى اۋماعىنا كىرىپ-شىعۋىن شەكتەۋ. قالاعا كىرەبەرىستەردە 27 بلوك-بەكەتتەرىن ورناتۋ. بەكەتتەردە پاترۋلدىك پوليسيا پولكى، قورعانىس مينيسترلىگى مەن ۇلتتىق گۆارديا كۇشتەرى جۇمىلدىرىلادى.

– قالاعا ءبىرىنشى قاجەتتى تاۋارلاردى (ازىق-تۇلىك، دارى-دارمەك، گيگيەنا قۇرالدارى) اكەلۋ ءۇشىن جاسىل ءدالىز قۇرىلادى؛

– كارانتين كەزەڭىندە بالاباقشالاردىڭ، ازىق-تۇلىكتىك ەمەس ساۋدا ورىندارىنىڭ،  ءرىن ويىن-ساۋىق ورتالىقتارى  مەن ساۋدا ۇيلەرىنىڭ جۇمىسى توقتاتىلادى.

الداعى ۋاقىتتا الماتى اۋماعىندا شەكتەۋ، الدىن الۋ جانە ىندەتكە قارسى شارالاردىڭ تولىق تىزبەسى جاريالانادى.