مەملەكەت باسشىسى نۇر-سۇلتان جانە الماتى قالالارىنىڭ اكىمدەرىمەن بەينەبايلانىس ارقىلى كەڭەس وتكىزدى، – دەپ حابارلادى اkorda .
التاي كولگىنوۆ قاسىم-جومارت توقايەۆقا ەلورداداعى قازىرگى احۋال جانە كوروناۆيرۋستىڭ تارالۋىنا قارسى كارانتين ەنگىزىلۋىنە بايلانىستى قابىلدانعان شارالار جايىندا ەسەپ بەردى.
پرەزيدەنت قالا تۇرعىندارىن ەڭ قاجەتتى تاۋارلارمەن جانە ازىق-تۇلىكپەن تولىق قامتاماسىز ەتۋدىڭ ماڭىزدىلىعىن اتاپ ءوتتى.
مەملەكەت باسشىسى نۇر-سۇلتان قالاسىندا ورنالاسقان شەت مەملەكەتتەردىڭ ديپلوماتيالىق وكىلدىكتەرى مەن حالىقارالىق ۇيىمدارعا قاتىستى تۋىنداعان ماسەلەلەردى تەز ارادا شەشىپ، ءتيىستى كومەك كورسەتۋ كەرەكتىگىن ايتتى.
قاسىم-جومارت توقايەۆ كوروناۆيرۋسكە قارسى كۇرەستىڭ ماڭىزدىلىعىن ايتا كەلە، قالا تىرشىلىگىندەگى باسقا دا وزەكتى ماسەلەلەردى كۇن تارتىبىنەن تۇسىرمەۋدى، اتاپ ايتقاندا، سۋ تاسقىنىن ەرەكشە باقىلاۋدا ۇستاۋدى تاپسىردى.
سونىمەن قاتار باقىتجان ساعىنتايەۆ قاسىم-جومارت توقايەۆقا الماتى قالاسىنىڭ كارانتين ەنگىزۋ جاعدايىنا ازىرلىگى، قوسىمشا دايىندالعان توسەك-ورىندار سانى، كوروناۆيرۋس ىندەتىنىڭ تارالۋىنا قارسى كۇرەسكە قاجەتتى بارلىق رەسۋرستار مەن قۇرالداردى جۇمىلدىرۋ تۋرالى باياندادى.
مەملەكەت باسشىسى ەلىمىزدىڭ ءىرى مەگاپوليسىن ازىق-تۇلىكپەن قامتاماسىز ەتۋگە بايلانىستى ماسەلەلەردىڭ شەشىلۋىنە ەرەكشە كوڭىل ءبولۋدى، سونداي-اق، الەۋمەتتىك ماڭىزى بار تاۋارلاردىڭ باعاسىن قاتاڭ باقىلاۋدا ۇستاۋدا تاپسىردى.
قاسىم-جومارت توقايەۆ باقىتجان ساعىنتايەۆقا الماتى وبلىسىنىڭ اكىمىمەن بىرلەسىپ، الماتى قالاسىندا جۇمىس ىستەيتىن ءوڭىر تۇرعىندارىنىڭ مەگاپوليسكە قاتىناۋ ماسەلەلەرىن پىسىقتاۋ قاجەتتىگىن ايتتى.
پىكىر قالدىرۋ