بۇل تۋرالى Qamshy.kz اقپارات اگەنتتىگى قازاقپارات دەرەگىن نەگىزگە الپ حابارلايدى.

«العاشقى جاعدايدا، قاراساي اۋدانىندا تۇراتىن 22 جانە 23 جاستاعى ەكى ازامات مەتالل سىنىقتارىن جيناۋمەن اينالىسۋ كەزىندە 125 مم كاليبرلى 4 ارتيللەريالىق تانك سناريادىن تاۋىپ العان. ايتا كەتەتىن جايت، بىرەۋى جارعىش زاتىمەن بىرگە بولعان، ال ەكىنشىسىنىكى وعان ءقاۋىپ توندىرەتىن جاقىن جەردە ورنالاسقان. ولار جارىلعاش زاتتاردى «تويوتا كامري« ماركالى اۆتوكولىگىنىڭ ارتقى ورىندىقتارىندا تاسىمالداعان جانە «بۇركىت – 402« ەكيپاجىنىڭ پوليسەيلەرى ولاردى ءدال سول ورىننان تاپقان. ەكىنشى جاعدايدا، پوليسيا قىزمەتكەرلەرى جالپى سانى 160 بىرلىكتەن اساتىن جارىلعىش قۇرىلعىلاردى ىلە اۋدانىنداعى اۋىلداردىڭ مەتالل قابىلداۋ پۋنكتىنىڭ ءبىرىنىڭ اۋماعىنان تاۋىپ، تاركىلەدى. 49 جانە 35 جاستاعى ەكى مەتالل قابىلداۋشى باسشىلارىنىڭ رۇقساتىنسىز جارىلىس ءقاۋپى بار زاتتاردى قابىلداعان. تاركىلەنگەن زاتتاردىڭ قاتارىندا اۆياسيالىق راكەتالاردىڭ جارىلماعان فراگمەنتتەرى، مينومەت سناريادتارى، جارعىشتار، كاسسەتالىق-جارىقتاندىرۋ، ارتيللەريالىق سناريادتار مەن بروندى اۆياسيالىق بومبالاردىڭ فراگمەنتتەرى بار»، - دەدى الماتى وبلىسى ىلە اۋداندىق پوليسيا باسقارماسىنىڭ باستىعى مارات كۇشتىبايەۆ.

اتالعان دەرەك بويىنشا ق ر قك 287-بابى 1-بولىگى بويىنشا سوتقا دەيىنگى تەرگەۋ امالدارى باستالعان. كۇدىكتىلەر مەكەنجايىن وزگەرتپەۋ تۋرالى قولحاتپەن بوساتىلدى.

«جاقىندا قاپشاعاي قالاسىندا مەتالل قابىلداۋ پۋنكتىندە ءدال وسىنداي زاتتاردىڭ جارىلۋى سالدارىنان قايعىلى جاعداي بولىپ، جاس جىگىت قازا تاپتى. پوليسەيلەر كوپتەگەن ادامنىڭ ءومىرىن قۇتقارىپ قالدى دەۋگە بولادى. جارىلعىش زاتتاردىڭ كەز كەلگەنىنىڭ جارىلۋ ءقاۋپى بار جانە ول تىزبەكتى رەاكسيا تۋدىرىپ، زاڭسىز ساقتالعان ارسەنالدىڭ جالپى جارىلىسىنا اكەلۋى مۇمكىن ەدى»،- دەيدى پولكوۆنيك كۇشتىبايەۆ.