قازاقساندا كوروناۆيرۋس ىندەتىن جۇقتىرعان تاعى بەس ادام انىقتالدى، دەپ حابارلايدى Qamshy.kz اقپارات اگەنتتىگى. 

بۇل تۋرالى دەنساۋلىق ساقتاۋ مينيسترلىگىنىڭ رەسمي وكىلى دياس احمەتشارىپ ارنايى بريفينگ كەزىندە جەتكىزدى.

«ونىڭ ەكەۋى قاراعاندى قالاسىندا - 1972 جانە 1971 جىلعى تۋعان قازاقستان ازاماتتارى. ەكەۋى دە №0324 مينسك-قاراعاندى رەيسىمەن ۇشىپ كەلگەن بولاتىن»، - دەدى رەسمي وكىل.

دياس احمەتشارىپتىڭ ايتۋىنشا، الماتى قالاسىندا تاعى ءۇش ادام وتكىر دەرتتى جۇقتىرعانى انىقتالعان. بىرەۋى 1979 جىلعى ايەل ادام، بەرلين قالاسىنان ۇشىپ كەلگەن. ەكىنشى ازامات 1997 جىلعى ەر ادام، فرانسيادان ۇشىپ كەلگەن. سوڭعىسى 1982 جىلعى ايەل ادام.

«وسى ساعاتتا (ناۋرىزدىڭ 22 جۇلدىزى، ساعات 08:30 مەڭزەلەدى – رەد.) الماتىدا – 22 ادام، قاراعاندى قالاسىندا - 2 ادام، نۇر-سۇلتاندا - 25 ادام. رەسپۋبليكا اۋماعىندا بارلىعى 49 ناۋقاس تىركەلىپ وتىر. ولاردىڭ اراسىندا قايتىس بولعاندار جوق» ، - دەدى دياس احمەتشارىپ.