بۇل تۋرالى مەملەكەت باسشىسىنىڭ باسپا ءسوز حاتشىسى بەرىك ءۋالي Facebook پاراقشاسىندا جازدى، دەپ حابارلايدى Qamshy.kz اقپارات اگەنتتىگى
پرەزيدەنتتىڭ باسپا ءسوز حاتشىسى اۋەلى، وسىدان ءبىر جىل بۇرىن قازاقستان حالقىنىڭ باسىم بولىگى توقايەۆقا داۋىس بەرگەنىن ەسكە تۇسىرگەن.
«قاسىم-جومارت كەمەل ۇلى جۋىردا تۆيت-پاراقشاسىندا: «ءبىر جىل بۇرىن اسا كورنەكتى مەملەكەت قايراتكەرى، جاھاندىق دەڭگەيدەگى ساياساتكەر ن.نازاربايەۆتان ەل تىزگىنىن قولعا الۋ مارتەبەسى بۇيىردى. مەملەكەتىمىزدىڭ نەگىزىن قالاۋشى – ەلباسى ستراتەگياسىنىڭ ساباقتاستىعىن جۇزەگە اسىرۋ ءۇشىن كوپ جۇمىس اتقارىلدى...» دەپ جازدى. راسىندا سول تاريحي كەزەڭدەگى ەلباسىنىڭ تاڭداۋىنان كەيىن، كوپ ۇزاماي وتكەن سايلاۋ قورىتىندىسى بويىنشا قازاقستان حالقىنىڭ باسىم بولىگى (70،96%) قاسىم-جومارت كەمەل ۇلىنىڭ كانديداتۋراسىنا قولداۋ ءبىلدىرىپ، داۋىس بەردى. قاسىم-جومارت كەمەل ۇلىنىڭ سول 2019 جىلدىڭ 20 ناۋرىزىنان بەرى قابىلداعان شەشىمدەرى، وتكىزگەن كەزدەسۋلەرى مەن قابىلداۋلارى، جالپى اتقارعان جۇمىستارى تۇگەلدەي بۇقارالىق اقپارات قۇرالدارىندا جاريالانىپ وتىردى»، - دەپ جازادى بەرىك ءۋالي.
بۇدان ءارى پرەزيدەنت باسپا ءسوز حاتشىسى توقايەۆتىڭ سايلاۋالدى باعدارلاماسىن «ساباقتاستىق. ادىلدىك. ورلەۋ» دەپ اتاپ، ءوزىنىڭ نەگىزگى ءۇش ۇستانىمىن جاريالاعانىن ەسكە سالا وتىرىپ، كىتاپتىڭ شىعۋ سەبەبىن دە اتاپ وتكەن.
دالىرەك ايتقاندا، پرەزيدەنتتىڭ باسپا ءسوز قىزمەتى ەڭبەكتە توقايەۆتىڭ وسى ۋاقىت ارالىعىندا ءارتۇرلى دەڭگەيدەگى مىنبەرلەردەن سويلەگەن سوزدەرىن جيناقتاپ، ءبىر جىلدىق جۇمىستىڭ قورىتىندىسى رەتىندە «ساباقتاستىق. ادىلدىك. ورلەۋ» دەگەن اتپەن 4 تومدىق جيناق شىعارعانى ايتىلادى.
ياعني، اتالعان كىتاپتاردا مەملەكەت باسشىسىنىڭ ءارتۇرلى ءىس-شارالاردا سويلەگەن 76 ءسوزىنىڭ تولىق ءماتىنى توپتاستىرىلعان.
"ءبىرىنشى كىتاپقا قاسىم-جومارت توقايەۆتىڭ ەلىمىزدى دامىعان ەلدەردىڭ قاتارىنا قوسۋ ماقساتىمەن قولعا العان باستامالارى جانە حالىقتىڭ جارقىن بولاشاعى ءۇشىن جۇزەگە اسىرىلاتىن جوبالار تۋرالى وي-پىكىرلەرى، مەملەكەتتىڭ الدىندا تۇرعان باسىم باعىتتارى مەن مىندەتتەرىن ايقىنداۋعا ارنالعان جالپىۇلتتىق ءىس-شارالاردا سويلەگەن سوزدەرى ەنگىزىلدى. ەكىنشى كىتاپقا مەملەكەت باسشىسىنىڭ وڭىرلەردەگى جۇرتشىلىقپەن كەزدەسۋ وتكىزىپ، ەل مەن جەردىڭ تاعدىرى، ساياسي وزگەرىستەر، ەكونوميكاداعى سەرپىن، الەۋمەتتىك جاۋاپكەرشىلىك جانە باسقا دا قوعام ءومىرى تۋرالى وي-تولعامدارى، ەلىمىزدىڭ الدىندا تۇرعان باسىم باعىتتار مەن مىندەتتەر جونىندە سويلەگەن سوزدەرى توپتاستىرىلدى. ءۇشىنشى كىتاپقا قازاقستان پرەزيدەنتىنىڭ شەت مەملەكەتتەردىڭ باسشىلارىمەن كەزدەسۋلەردە، الەمدىك سامميتتەر مەن حالىقارالىق فورۋمداردا سويلەگەن سوزدەرى جۇيەلەنىپ توپتاستىرىلدى. قاسىم-جومارت كەمەل ۇلى قازاقستان پرەزيدەنتى قىزمەتىنە كىرىسكەننەن كەيىن بىرنەشە ايدىڭ ىشىندە رەسەي، جۇڭگو، اقش جانە ەۋرازيانىڭ باسقا دا كوپتەگەن ەلىنىڭ كوشباسشىلارىمەن بايلانىس ورناتىپ، شەت ەلدەرگە بىرنەشە مەملەكەتتىك، رەسمي جانە جۇمىس ساپارىن جاسادى. بىرىككەن ۇلتتار ۇيىمى، تاۋەلسىز مەملەكەتتەر دوستاستىعى، شانحاي ىنتىماقتاستىق ۇيىمى، ازياداعى ءوزارا ءىس-قيمىل جانە سەنىم شارالارى جونىندەگى كەڭەس، ەۋرازيالىق ەكونوميكالىق وداق، ۇجىمدىق قاۋىپسىزدىك شارت ۇيىمىنىڭ سامميتتەرىنە قاتىستى. اتالعان جيىنداردا حالىقارالىق ساياساتتاعى قازاقستاننىڭ ورنى، ۇستانىمى تۋرالى مالىمدەمەلەر جاسادى. ءتورتىنشى كىتاپقا قازاقستان پرەزيدەنتىنىڭ ءبىر جىل ىشىندەگى وتاندىق جانە شەتەلدىك بۇقارالىق اقپارات قۇرالدارىندا جاريالانعان ماقالالارى مەن سۇحباتتارىندا، ب ا ق وكىلدەرى ءۇشىن وتكىزگەن بريفينگتەردە ەلىمىزدىڭ شەت مەملەكەتتەرمەن اراسىنداعى بايلانىستارعا، حالىقارالىق جانە ىشكى ساياسي ماسەلەلەرگە قاتىستى ايتقان وي-تولعامدارى ەندى"، - دەيدى ول.
سونداي-اق، كىتاپتىڭ سوڭىندا 8 سۇحبات پەن 2 دەرەكتى ءفيلمنىڭ ۆيدەونۇسقاسى فلەش-كارتاعا جۇكتەلىپ، قوسا بەرىلىپ وتىر.
«مىنە، ق ر پرەزيدەنتىنىڭ باسپا ءسوز قىزمەتى مەملەكەت باسشىسىنىڭ ءبىر جىلعى اتقارعان جۇمىسىنىڭ جالپى قورىتىندىسى رەتىندە وسى 4 تومدىقتى قالىڭ بۇقاراعا ۇسىنىپ وتىر. كىتاپ ساياساتتانۋشىلاردىڭ، جۋرناليستەردىڭ، زەرتتەۋشىلەردىڭ جانە جالپى، كەز كەلگەن ىزدەنۋشى ازاماتتىڭ تالعامىنا ساي كەلەدى دەگەن ۇمىتتەمىز»، - دەيدى پرەزيدەنتتىڭ باسپا ءسوز حاتشىسى بەرىك ءۋالي.
پىكىر قالدىرۋ