بۇل تۋرالى باسەكەلەستىكتى قورعاۋ كوميتەتىنىڭ الماتى قالاسى بويىنشا دەپارتامەنتى باسشىسىنىڭ ورىنباسارى ارلان قالۋەتوۆ ونلاين بريفينگتە مالىمدەدى، دەپ حابارلايدى Qamshy.kz اقپارات اگەنتتىگى. 

بريفينگتە بەلگىلى بولعانداي، الماتىدا ءقازىر قاراپايىم ماسكانىڭ باعاسى 87 تەڭگە دەپ بەكىتىلسە، كومىر ءفيلترلى ماسكا 111 تەڭگەمەن ساتىلۋدا.

«ول ءۇشىن الماتىدا 48 ءدارىحانا بەلگىلەنىپ، بارلىعىنا بەينەباقىلاۋ ورناتىلدى. بەينەباقىلاۋداعى جازبا ءبىر ايعا دەيىن ساقتالاتىن بولادى. باعانىڭ نەگىزسىز كوتەرىلۋى انىقتالعان جاعدايدا ءتيىستى شارالار قابىلدانادى»، - دەدى ارلان قالۋەتوۆ.

ونىڭ ايتۋىنشا، قالادا ءقازىر باعانى نەگىزسىز كوتەرۋ ماسەلەسى بويىنشا تۇرعىنداردان شاعىمدار كوپ تۇسۋدە. 

«ءبىزدىڭ دەپارتامەنت الەۋمەتتىك ماڭىزى بار ازىق-تۇلىك ونىمدەرىنىڭ باعاسىن تۇراقتاندىرۋ بويىنشا كەشەندى شارالاردى قولعا الدى. بەتپەردەنىڭ باعاسىن نەگىزسىز كوتەرۋ فاكتىلەرى بويىنشا دەپارتامەنت تاراپىنان نارىق سۋبەكتىلەرىنە قاتىستى تەرگەۋ جۇمىستارىن جۇرگىزۋدە. بۇل بويىنشا بىزگە كەلىپ تۇسكەن شاعىمدار كوپ»، – دەدى رەسمي وكىل.