قازاقستاندا تاعى ءبىر ادامنان كوروناۆيرۋس تابىلدى. ول ىستامبۇل-الماتى رەيسىمەن ۇشىپ كەلگەن جولاۋشى. بۇل تۋرالى دەنساۋلىق ساقتاۋ مينيسترلىگىنىڭ رەسمي وكىلى دياس احمەتشارىپ حابارلادى.
"كوروناۆيرۋس ىندەتىن جۇقتىرعان تاعى 1 ادام الماتى قالاسىندا تىركەلدى. وسى ساعاتتا نۇر-سۇلتان قالاسى بويىنشا 31 ادام، الماتى قالاسىندا – 23 ادام، قاراعاندى قالاسىندا – 2، الماتى وبلىسىندا – 1 ادام، جالپى 57 ناۋقاس تىركەلدى" دەلىنگەن مينيسترلىك تاراتقان حابارلامادا.
– ول – 1992 جىلى تۋعان قىز. ناۋقاس 15 ناۋرىزدا ىستامبۇل-الماتى رەيسىمەن ۇشىپ كەلگەن كوروناۆيرۋس انىقتالعان اداممەن بايلانىستا بولعان. ءقازىر ستاسيونارعا كارانتينگە جاتقىزىلدى. جاعدايى قاناعاتتانارلىق، – دەدى دياس احمەتشارىپ.
پىكىر قالدىرۋ