الماتى پوليسياسى كولىك جۇرگىزۋشىلەرىن بلوك-بەكەتتەردى اينالىپ وتكىزبەك بولعان ازاماتتاردى ۇستادى. بۇل تۋرالى polisia.kz حابارلادى. 

قالانىڭ باتىس جاعىندا ورنالاسقان № 20 باقىلاۋ-پوستىنداعى پوليسەيلەر بەس ەر ادامدى ۇستادى، ولار اقشاسىن تولەگەن جاعدايدا وتكىزۋ بەكەتىنەن اينالىپ ءوتىپ، ازاماتتاردى قالاعا الىپ كىرۋگە ۋادە بەرگەن.

– ولار كومەكتەرىن ءبىر ادامعا 3 مىڭنان 5 مىڭ تەڭگەگە دەيىن باعالادى. ەر ادامدار ۇستالدى جانە ق ر اكىمشىلىك قۇقىق بۇزۋشىلىق تۋرالى كودەكسىنىڭ 476-بابى "توتەنشە جاعدايدى بۇزۋ" بويىنشا قىلمىستىق جاۋاپكەرشىلىككە تارتىلدى. الماتى قالاسىنىڭ مامانداندىرىلعان اۋدانارالىق اكىمشىلىك سوتىنىڭ شەشىمىمەن اتالعان ادامدارعا ايىپپۇل سالىندى، – دەدى ناۋرىزباي اۋداندىق پوليسيا باسقارمانىڭ باسشىسى ديدار احانوۆ.

وسىعان بايلانىستى، الماتى پوليسيا دەپارتامەنتى كەزەكتى رەت ازاماتتاردى زاڭعا باعىنۋعا جانە كەدەرگىلەردەن ءوتۋدىڭ زاڭسىز جولدارىن ىزدەمەۋگە شاقىرادى.

– مەن سىزدەردى سەندىرەمىن، بۇل ارەكەتتەر پايداسىز بولادى جانە ناتيجە بەرمەيدى. توتەنشە جاعداي كەزىندە وڭاي اقشا تاپقىسى كەلەتىندەرگە جاۋاپكەرشىلىكتى ۇمىتپاۋ تۋرالى ەسكەرتەمىن. مۇنداي فاكتىلەر بىردەن توقتاتىلادى، – دەدى احانوۆ.