بۇل تۋرالى Qamshy.kz اقپارات اگەنتتىگى الماتى وبلىستىق تجد باسپا ءسوز قىزمەتى دەرەگىنە سۇيەنىپ حابارلايدى.

دەرەككوز مالىمەتىنشە، كولىكتە جۇرگىزۋشى جالعىز بولعان.

«...تالدىقورعان قالاسىنا قاراستى قىزىلتاس ساياجايى ماڭىندا جەڭىل اۆتوكولىكتىڭ جۇرگىزۋشىسى كولىكتى باسقارا الماي، قاراتال وزەنىنە ءتۇسىپ كەتكەن. ونىڭ اۆتوكولىگى وزەننىڭ اعىسىمەن تومەن قۇلديلاعان. كولىكتە جۇرگىزۋشى جالعىز بولعان»،- دەپ مالىمدەدى الماتى وبلىستىق تجد باسپا ءسوز قىزمەتى.

بەلگىلى بولعانداي، جانتالاسا كولىكتەن شىعىپ، ءبىراق جاعاعا جەتپەي سۋعا باتۋعا اينالعان جۇرگىزۋشىگە ساياجايدىڭ 1995 جىلعى تۇرعىنى كومەككە جەتكەن.

وزگەنىڭ ءومىرىن ساقاپ قالعان وقيعا كۋاگەرى ەرجان باياحمەتوۆتىڭ ايتۋىنشا، ول جۇرگىزۋشىنى ەس-تۇسسىز كۇيدە سۋدان شىعارعان. وسى ارالىقتا ول العاشقى مەديسينالىق كومەك كورسەتىپ، جەدەل جاردەم شاقىرعان.

«ادام ءومىرىن قۇتقارعانى ءۇشىن ەرجان باياحمەتوۆ ماراپاتقا ۇسىنىلادى»،- دەپ تولىقتىردى اتالعان ۆەدومستۆونىڭ باسپا ءسوز قىزمەتى.