اقپارات جانە قوعامدىق دامۋ ءمينيسترى داۋرەن ابايەۆ قازاقستاندا كوروناۆيرۋستان ەكى ناۋقاستىڭ جازىلعانىن حابارلادى.
– بريفينگتى جاقسى جاڭالىقتان باستاعىمىز كەلىپ وتىر. ەكى ەمدەلۋشى كوروناۆيرۋستان ايىقتى. ءقازىر ولار سوڭعى تەكسەرۋ ساراپتامالارىن تاپسىرۋدا. بۇيىرتسا اۋرۋحانادان ەرتەڭ شىعادى. بۇل – ءبىزدىڭ كوروناۆيرۋسپەن كۇرەستەگى جەڭىسىمىز. باستى دۇنيە وسى دەپ ايتۋعا بولادى. ەڭ الدىمەن بۇل – دارىگەردىڭ جانكەشتى ەڭبەگىنىڭ جەمىسى. سوندىقتان ۇكىمەتتىڭ جانە بارشا قازاقستاندىقتاردىڭ اتىنان مەديسينا قىزمەتكەرلەرى مەن دەنساۋلىق ساقتاۋ مينيسترلىگىنىڭ قىزمەتكەرلەرىنە العىس ايتۋعا رۇقسات ەتىڭىزدەر. كەز كەلگەن مامان ءۇشىن ەڭ باستىسى – ءوز ەڭبەگىنىڭ ناتيجەسىن كورۋ. سول ناتيجە ءۇمىت پەن قۋات بەرەدى، – دەدى داۋرەن ابايەۆ.
بۇگىن قازاقستاندا ىندەتتى جۇقتىرعانداردىڭ سانى 80-گە جەتكەن.
پىكىر قالدىرۋ