27 ناۋرىز ساعات 22.20-دا نۇر-سۇلتاندا – التى ادامنان، اقمولا وبلىسىندا – ەكى ادامنان كوروناۆيرۋس تابىلدى. بۇل تۋرالى قازاقستاننىڭ دەنساۋلىق ساقتاۋ مينيسترلىگى حابارلادى.
ءقازىر ەلدە ۆيرۋس جۇقتىرعاندار سانى 145-كە جەتىپ وتىر. مينيسترلىكتىڭ دەرەگىنشە، نۇر-سۇلتاندا – 75 ادامنان، الماتىدا – 50 ادامنان، قاراعاندىدا – ءتورت ادام، جامبىل، اتىراۋ، اقمولا وبلىستارىنىڭ ءارقايسىندا ءۇش ادامنان، شىمكەنتتە – ەكى ادام، الماتى، اقتوبە، سولتۇستىك قازاقستان، پاۆلودار، ماڭعىستاۋ وبلىستارىنىڭ ءارقايسىندا ءبىر-بىر ادامنان كوروناۆيرۋس تابىلعان.
26 ناۋرىز كەشكىسىن نۇر-سۇلتاندا 64 جاستاعى ءبىر ايەل ادام كوروناۆيرۋستان كوز جۇمدى. الماتىدا – ءۇش ادام، نۇر-سۇلتاندا – ەكى ادام ىندەتتەن جازىلىپ شىقتى.
پىكىر قالدىرۋ