نۇر-سۇلتان قالاسىندا توتەنشە جاعداي كۇشەيتىلدى. ەكى كۇن ىشىندە ەلوردادا 164 ادام ۇستالدى. بۇل تۋرالى قالا اكىمدىگىنىڭ باسپا ءسوز قىزمەتى حابارلادى.
28 ناۋرىز ساعات 00.00-دەن باستاپ ەلوردادا ازىق-تۇلىك، دارى-دارمەك ساتىپ الۋدى جانە جۇمىسقا بارۋدى قوسپاعاندا، ازاماتتاردىڭ تۇرعىن ۇيدەن شىعۋعا شەكتەۋ قويىلدى. كامەلەتتىك جاسقا تولماعانداردىڭ ۇلكەندەرسىز سىرتتا جۇرۋىنە تىيىم سالىندى.
"قالا كوشەلەرى پوليسيا قىزمەتكەرلەرى قاداعالاۋىندا. ەكى كۇن ىشىندە اۋماقتىق پوليسيا باسقارمالارىنا 164 ادام جەتكىزىلدى، ءتارتىپ بۇزعان 68 ادامعا اكىمشىلىك حاتتاما جاسالدى. قالعان ادامدارمەن پروفيلاكتيكالىق اڭگىمە جۇرگىزىلدى"، دەلىنگەن اكىمدىكتىڭ حابارلاماسىندا.
پىكىر قالدىرۋ