ق ر پرەزيدەنتى قاسىم-جومارت توقايەۆ تەلەارنالار ارقىلى جاساعان مالىمدەمەسىندە تەگىن ازىق-تۇلىكتى الاتىن ازاماتتار ساناتى كەڭەيەتىنىن ايتتى.
– تۇرمىسقا قاجەتتى زاتتار مەن ازىق-تۇلىكتى تەگىن الاتىن ازاماتتار كوبەيەدى. مۇگەدەكتەر جانە جۇمىسسىز رەتىندە تىركەلگەن ازاماتتار دا كومەك الا الادى. تەگىن ازىق-تۇلىك 800 مىڭنان استام ادامعا بەرىلەدى، – دەدى پرەزيدەنت.
مالىمدەمە بارىسىندا ۇكىمەتكە جانارمايدىڭ نارىقتىق باعاسىن 15 پايىزعا ارزانداتىپ، 165 تەڭگەگە دەيىن تومەندەتۋ مىندەتى جۇكتەلگەنى، وسىنى قامتاماسىز ەتۋ ءۇشىن 390 مىڭ توننا جانارماي جەڭىلدىكپەن ساتىلاتىنى حابارلاندى.
