قازاقستاندا مەديسينا قىزمەتكەرلەرىنە ءۇش اي بويى ۇستەمە اقى تولەنەدى. بۇل تۋرالى بۇگىن تىكەلەي ەفير ارقىلى مالىمدە جاساعان ەل پرەزيدەنتى قاسىم-جومارت توقايەۆ ايتتى. 

"بۇگىندە بۇكىل ەلىمىز دارىگەرلەر مەن مەديسينا قىزمەتكەرلەرىنىڭ قايسارلىعىنا ءتانتى بولۋدا. ولار – ادام ومىرىنە اراشا ءتۇسىپ جاتقان بۇگىنگى كۇننىڭ باتىرلارى. سوندىقتان، پاندەمياعا قارسى كۇرەستىڭ الدىڭعى لەگىندە جۇرگەندەرگە قوسىمشا قولداۋ كورسەتۋ جونىندە شەشىم قابىلدادىم. دارىگەرلەرگە جانە مەديسينا قىزمەتكەرلەرىنە 3 اي بويى قوسىمشا ۇستەمە اقى تولەنەدى. مەديسينا قىزمەتكەرلەرىنىڭ ءومىرىن ساقتاندىرۋ ماسەلەسى دە شەشىمىن تاپتى. ارينە، اق حالاتتى ابزال جاندار بۇدان دا زور قولداۋعا لايىق" دەدى پرەزيدەنت. 

سوڭعى دەرەك بويىنشا، ءقازىر ەلدە كوروناۆيرۋس جۇقتىرعاندار سانى 340 ادامعا جەتىپ وتىر. ەكى ادام ىندەتتەن كوز جۇمىپ، 22 ادام جازىلىپ شىقتى. ۆيرۋس جۇقتىرعانداردىڭ باسىم بولىگى نۇر-سۇلتاندا. Cوڭعى اقپاراتقا قارعاندا، بۇل قالادا 178 ادامنان ۆيرۋس تابىلعان.