مەملەكەت باسشىسى قاسىم-جومارت توقايەۆ ەلدەگى توتەنشە جاعدايعا جانە مەملەكەتتىڭ ەكونوميكا مەن الەۋمەتتىك سالاداعى داعدارىسقا قارسى ءىس-شارالارىنا بايلانىستى مالىمدەمەسىندە زەينەتاقى، جاردەماقى 10 پايىزعا ارتاتىنىن ايتتى.
– ينفلياسيانىڭ ارتۋىنا بايلانىستى، زەيناتاقى، مەملەكەتتىك جاردەماقى جانە اتاۋلى الەۋمەتتىك كومەك مولشەرىن 10 پايىزعا يندەكساسيالاۋدى تاپسىردىم، – دەدى پرەزيدەنت.
سونداي-اق تۇرمىسقا قاجەتتى زاتتار مەن ازىق-تۇلىكتى تەگىن الاتىن ازاماتتار كوبەيەدى. مۇگەدەكتەر جانە جۇمىسسىز رەتىندە تىركەلگەن ازاماتتار دا كومەك الا الادى. تەگىن ازىق-تۇلىك 800 مىڭنان استام ادامعا بەرىلەدى.
پرەزيدەنت سونىمەن قاتار 1 ساۋىردەن 1 شىلدەگە دەيىنگى ارالىقتا مەديسينالىق كومەكتى ءمامس جۇيەسىندە ساقتاندىرىلماعان ازاماتتار دا الا الاتىنىن اتاپ ءوتتى.
پىكىر قالدىرۋ