الماتىدا تۇرعىندار كارانتين تالاپتارىن بۇلجىتپاي ورىنداسا، كوروناۆيرۋستىڭ تارالۋى جاقىن ارادا تومەندەيدى. بۇل تۋرالى الماتى قالالىق دەنساۋلىق ساقتاۋ باسقارماسىنىڭ باسشىسى تىلەۋحان ابىلدايەۆ ايتتى.
"ەگەر ءوزىن-وزى وقشاۋلاۋ جوعارى دەڭگەيدە بولسا، ەكى اپتادان كەيىن ءبىزدىڭ قالامىزدا ىندەت جۇقتىرۋ كۇرت تومەندەيدى دەپ بولجاپ وتىرمىز" دەدى ابىلدايەۆ.
الماتى – كوروناۆيرۋس جۇقتىرعاندار سانى جاعىنان ەكىنشى ورىندا تۇر. سوڭعى مالىمەت بويىنشا، بۇل قالادا 90 ادامنان ۆيرۋس تابىلعان. ولاردىڭ 11ء-ى ىندەتتەن جازىلىپ شىقتى.
الماتى 19 ناۋرىزدان باستاپ كارانتينگە جابىلدى. 22 ناۋرىزدان بەرى قالاعا كىرىپ-شىعۋعا تىيىم سالىندى. قالا ىشىندە 31 ناۋرىزدان باستاپ كارانتين شارالارى كۇشەيتىلگەن. ءقازىر قالا تۇرعىندارى تەك دۇكەن مەن ءدارىحانعا شىعا الادى. جۇمىسقا بارا الادى.
