پرەزيدەنتتىڭ تىكەلەي قولداۋى ارقاسىندا وبلىس باسشىلىعى مەن جۇڭگو حالىق رەسپۋبليكاسىنداعى ەلشىلىك اراسىنداعى كەلىسىم نەگىزىندە بۇگىن اقتوبە وبلىسىنا گۋمانيتارلىق كومەك كەلدى.
قازاقستان رەسپۋبليكاسى پرەزيدەنتى ءوز مالىمدەمەسىندە حالىقتى بەتپەردە مەن انتيسەپتيكتەردى قولدانۋعا شاقىرعانى بەلگىلى.تۇرعىنداردى مۇنداي قورعانىش قۇرالدارىمەن قامتاماسىز ەتۋ – اكىمدىكتىڭ باستى مىندەتتەرىنىڭ ءبىرى. گۋمانيتارلىق كومەك رەتىندە كەلگەن 220 مىڭ مەديسينالىق بەتپەردە، 3000 قورعانىش كيىمدەرى شىڭجاڭ-ۇيعىر اۆتونوميالىق اۋدانى مەن شاندۋن وڭىرىنەن جىبەرىلىپ وتىر.
سونىمەن قاتار، جەرگىلىكتى كاسىپكەرلەر تاراپىنان 500 مىڭ بەتپەردە تەگىن بەرىلدى. بۇل زاتتار جەرگىلىكتى اكىمدىكتەر مەن وبلىستىق جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسى ارقىلى اقتوبە قالاسىنداعى جانە اۋداندارداعى مۇقتاج ازاماتتارعا تاراتىلدى.
پىكىر قالدىرۋ