قىزىلوردا وبلىسىندا كوروناۆيرۋس ينفەكسياسىن جۇقتىرعان تاعى ەكى ادام تىركەلدى، ال 28 ادام ەم الۋدا. بۇل تۋرالى وڭىرلىك كوممۋنيكاسيالار قىزمەتى الاڭىندا وبلىستىق دەنساۋلىق ساقتاۋ باسقارماسىنىڭ باسشىسى جاقسىلىق ابدۋسامەتوۆ حابارلادى.
– 2020 جىلدىڭ 3 ءساۋىرى كۇنى جەرگىلىكتى ۋاقىتپەن ساعات 16.15-تە COVID-19 ۆيرۋسىنىڭ جاڭادان 2 جاعدايى تىركەلدى. انىقتالعان 2 ازامات شيەلى جانە قارماقشى اۋداندارىنىڭ تۇرعىندارى. ولار بۇدان بۇرىن COVID-19 ۆيرۋسىن جۇقتىرعان ادامدارمەن بايلانىستا بولعان. جاعدايلارى قاناعاتتانارلىق، – دەدى جاقسىلىق ءابىلقاسىم ۇلى.
قازىرگى تاڭدا وبلىستا كوروناۆيرۋس ينفەكسياسى انىقتالعان ازاماتتارمەن قارىم-قاتىناستا بولعان 662 ادام بار. ونىڭ 237ء-سى كارانتيندە، 425ء-سى ءۇي جاعدايىندا باقىلاۋدا.
