ەكۆادوردىڭ باتىسىنداعى گۋاياكيل قالاسىنىڭ كوشەلەرى قاڭىراپ بوس قالعان. قالادا كوروناۆيرۋستان ولگەن ادامدار كوبەيىپ، مايىتتەر دالادا شاشىلىپ جاتىر.

CNN پاندەميا مەملەكەتتىڭ بارلىق سالالارىنا اۋىر تيگەنىن جازادى. اۋرۋحانالاردا ناۋقاستاردى قابىلداۋعا توسەك جوق، مايىتتەردى جەرلەۋگە ەتۋ زيراتتار مەن ءمايت ساقتايتىن ورىندار جەتىسپەيدى. ولاردى قويۋعا جەر قالماعاندىقتان، كەيبىر تۇرعىندار "ولاردى سىرتتا قالدىرعاننان باسقا امال جوق" دەيدى.

ەلدە Covid-19 سالدارىنان ناقتى قانشا ادام ولگەنى بەلگىسىز. جەرگىلىكتى وتباسىلاردىڭ ايتۋىنشا، ۆيرۋس جۇقتىرعانداردى گۋاياكيلدىڭ اۋرۋحانالارى ەمدەي المايدى.

"ءبىز بەس كۇن كۇتتىك" دەدى فەرناندو ەسپانا ەسىمدى تۇرعىن 30 ناۋرىزدا Reuters اگەنتتىگىندە بەرگەن سۇحباتىندا. "ءبىز 911 نومىرىنە قوڭىراۋ شالىپ شارشادىق. ولار ايتاتىن جالعىز ءسوز – كۇتۋ كەرەك" دەپ ءسوزىن جالعاستىرعان ول كامەرانى تەرەزە ارقىلى ءۇيدىڭ ىشىنە بۇرىپ، ءۇي ىشىندەگى قارا پلاستيكپەن ورالعان ءمايتتى كورسەتكەن.

"مايتتەر يىستەنىپ كەتكەن. ءبىزدىڭ ەگدە جاستاعى كورشىلەرىمىز بار. مەنىڭ دە 80 جاستاعى انام بار" دەيدى ەسپانانىڭ كورشىسى گلەندا لاررەا ۆەرا سول ۆيدەودا".

CNN تاراتقان تاعى ءبىر ۆيدەودا كوشەدە موتوسيكلدىڭ قاسىندا قۇلاپ جاتقان جىگىتتى كورسەتىلگەن. كەيىن ونى ارناۋلى كيىم كيگەن قىزمەتكەرلەردىڭ الىپ كەتكەن.

ەكۆادور بيلىگىنىڭ اقپاراتىنشا، 3 ميلليونعا جۋىق تۇرعىنى بار بۇل قالاداعى وتباسىلاردان 300 ءمايىت شىققان.

گۋاياكيل قالاسىنىڭ مەرى سينتيا ۆيتەري وتكەن اپتادا ءوزىنىڭ Twitter-دەگى پاراقشاسىندا ۇكىمەتتەن كومەك سۇراعان.

"ەلدىڭ دەنساۋلىق ساقتاۋ جۇيەسىندە نە بولىپ جاتىر؟ ەشكىم ولگەندەردى الىپ كەتپەيدى، مايتتەردى تروتۋاردا قالدىرۋدا. ادامدار اۋرۋحانالاردىڭ الدىندا قۇلاپ جاتىر. ەشكىم ولاردى قوزعاعىسى كەلمەيدى... ادامدار نە ءۇشىن ءوز ۇيلەرىندە ءولىپ جاتقانىنىڭ ناقتى سەبەپتەرىن ءبىلۋىمىز كەرەك" دەگەن ول.

"بۇكىل اۋرۋحانالاردا ورىندار جەتىسپەيدى، اۋرۋحانالار ەسىكتەرىن جاۋىپ، ادامداردى سىرتتا قالدىرىپ جاتىر" دەيدى تاعى ءبىر تۇرعىن.

اۋرۋحانالار جەتىسپەيتىندىكتەن، كەيبىر ادامدار مەديسينالىق كومەك كۇتىپ وتىرىپ ءولىپ جاتىر. گۋاياكيل قالاسىنداعى اۋرۋحاناعا جەدەل جاردەم ارقىلى بارعان مۇگەدەكتەر ارباسىن قولداناتىن ءبىر ايەل قايتىس بولدى. ءاتى-جونىن ايتپاۋدى وتىنگەن اۋرۋحانا قىزمەتكەرىنىڭ ايتۋىنشا، وندا توسەكتەر جوق، اربادا كۇتىپ وتىرىپ ولگەن ايەلدىڭ دەنەسى دالادا ءتورت ساعاتقا جۋىق ۋاقىت تۇرعان. ونىڭ ءولىمنىڭ سەبەبى انىقتالماعان.

ەكۆادور بيلىگى رەسپۋبليكادا ۆيرۋس جۇقتىرعان 3 368 جانە 145 ءولىمنىڭ تىركەلگەنىن حابارلادى، ولاردىڭ ىشىندە 102ء-سى گۋاياس پروۆينسياسىندا كوز جۇمعان، ال، گۋاياكيل قالاسى وسى پروۆينسيادا ورنالاسقان. الايدا، كەيبىر ازاماتتار ەلدەگى كوروناۆيرۋستىڭ جاعدايى ءتىپتى دە اۋىر دەپ ەسەپتەيدى.