قىتايدىڭ جەتەكشى اقپارات رەسۋرستارىنىڭ ءبىرى Sohu.com پورتالى COVID-19 كوروناۆيرۋسىنىڭ تارالۋىنا قاتىسى بار كۇدىكتىلەر ماسەلەسىن كوتەرىپ، كوروناۆيرۋس حۋبەي پروۆينسياسىندا تارالۋدان بۇرىن قازاقستاندا پايدا بولعان بولۋى مۇمكىن ەكەنىن حابارلادى، – دەپ جازادى قامشى ءتىلشىسى.
"جاقىندا قازاقستانداعى Yvision رەسۋرسى الماتىداعى ورتالىق انىقتامالىق زەرتحانانىڭ (CRL) قىزمەتكەرى ءوزى ىستەيتىن اگەنتتىكتىڭ كوروناۆيرۋس جاساعانىن راستادى دەپ حابارلادى" دەلىنگەن Sohu.com سايتىندا.
قىتايلىق باق-تىڭ جازۋىنشا، زەرتحانا اقش اسكەري كۇشتەرىنىڭ قارجىلاي قولداۋىمەن قۇرىلعان جانە ءالى كۇنگە دەيىن ۆاشينگتون وكىلدەرىنىڭ باقىلاۋىندا.
اقپارات رەسۋرسى "قازاقستاندا كەيبىر ازاماتتار بيلىكتەن بۇل جاعدايدى تەكسەرۋدى تالاپ ەتىپ جاتىر" دەپ حابارلادى. سايتتاعى دەرەككە ساي، ق ر بيلىگىنە سۇراۋ سالعان بۇل ادامدار ددۇ وكىلدەرىن شاقىرىپ، جۇڭگو حالىق رەسپۋبليكاسىنىڭ، تمد ەلدەرىنىڭ ميكروبيولوگتارىمەن بىرلەسىپ، اقش ماماندارى جۇمىس ىستەگەن مەديسينالىق ورتالىقتار مەن جامبىل وبلىسىنداعى جۇمىستاردى تەكسەرۋدى تالاپ ەتكەن.
قىتايلىق باق-تىڭ جازۋىنشا، قازاقستاننىڭ وتاندىق اكادەميالىق "ۆيرۋس" جۋرنالى (ۆيرۋس، 2019، 11، 356، DOI: 10.3390 / v11040356) 2019 جىلدىڭ ساۋىرىندە ماقالا جاريالاعان. وندا ءبىرقاتار امەريكالىق جانە قازاقستاندىق عالىمدار كوروناۆيرۋستىڭ جاڭا ءتۇرىن زەرتتەگەنى ايتىلعان.
"جۋرنالدا اقش-تىڭ جوعارىدا اتالعان كوروناۆيرۋس تۋرالى زەرتتەۋلەرى 2017 جىلدىڭ ساۋىرىنەن مامىرىنا دەيىن جۇرگىزىلگەنى، امەريكا عالىمدارى COVID-19-دى زەرتتەۋدى ءتىپتى ەرتە باستاعانى جازىلعان"، دەلىنگەن Sohu.com سايتىندا.
پىكىر قالدىرۋ