كوكشەتاۋ قالاسىندا قاتتى سوققان جەل بىرنەشە ءۇيدىڭ شاتىرىن جۇلىپ اكەتتى. بۇل تۋرالى اكىمدىكتىڭ باسپا ءسوز قىزمەتى حابارلادى.

اكىمدىكتىڭ مالىمەتىنشە، بۇگىن سوققان قاتتى جەلدەن كوكشەتاۋ قالاسىندا 4 تۇرعىن ءۇيدىڭ شاتىرىنا (ونىڭ 2ء-ى اكىمشىلىك عيمارات)، 10 ايالداما پاۆيلونىنا جانە 4 جارناما نىسانىنا زاقىم كەلگەن.

"كوكشەتاۋ قالاسىنىڭ شيەۆچەنكو، تەمىربەكوۆ، اۋەزوۆ كوشەلەرى، بارماشينو اۋدانى جانە كوز ورتالىعى شارشى اۋماعىنداعى ەلەكتر تاراتقىش جەلىلەرگە زاقىم كەلدى. قازىرگى كەزدە قالالىق ەلەكتر جەلىسىنىڭ 25 ادام جانە 8 تەحنيكادان تۇراتىن بريگاداسى ەلەكترمەن جابدىقتاۋ جۇيەسىن قالپىنا كەلتىرۋ جۇمىستارىن جۇرگىزۋدە"، دەلىنگەن اكىمدىك تاراتقان حابارلامادا.

ۆەدومستۆودان اتاپ وتكەندەي، قالالىق كوممۋنالدىق قىزمەتتەر، كوكشەتاۋ تجب قىزمەتكەرلەرى تابيعات اپاتىنىڭ زارداپتارىن جويۋعا كىرىستى. بۇعان قالالىق قىزمەتتەردەن 181 ادام، 8 ارنايى تەحنيكا، كوكشەتاۋ قالالىق تجب جەكە قۇرامىنان 20 ادام جانە 3 ارنايى تەحنيكا جۇمىلدىرىلىپ وتىر.