الماتى قالاسىنىڭ اكىمى باقىتجان ساعىنتايەۆ كوروناۆيرۋس ىندەتىمەن كۇرەسۋ ءۇشىن الەۋەتتى ناۋقاستاردى ىزدەۋ مەن انىقتاۋعا بەلسەندى كىرىسەتىنىن ءىnstagram پاراقشاسىندا جازدى.
– كوروناۆيرۋس ىندەتىمەن كۇرەستەگى ماڭىزدى كەزەڭنىڭ ءبىرى – الەۋەتتى ناۋقاستاردى ىزدەۋ مەن انىقتاۋعا بەلسەندى كىرىسۋ. باسقا ەلدەردەن كەلگەن ناۋقاستار جانە ولارمەن بايلانىستا بولعان ازاماتتار انىقتالعاننان كەيىن مىندەتتى تەستىلەۋگە جاتاتىن جانداردىڭ اياسى كەڭەيدى. «جەدەل جاردەم»، ەمحانالار مەن اۋرۋحانالاردىڭ قابىلداۋ بولمەلەرىندەگى، پروۆيزورلىق ستاسيونارلار مەن زەرتحانالارداعى مەديسينا قىزمەتكەرلەرىنە ەرەكشە كوڭىل بولىنەدى. سانەپيدەميولوگتار سياقتى ولار دا ۇنەمى تەستىلەۋدەن وتەدى، – دەپ جازدى ب. ساعىنتايەۆ.
ونىڭ ايتۋىنشا بۇدان وزگە دە مەديسينالىق قىزمەتكەرلەر، پوليسەيلەر، اسكەري قىزمەتشىلەر مەن بلوك-بەكەتتەگى مەملەكەتتىك ورگانداردىڭ قىزمەتكەرلەرى دە تەكسەرۋدەن وتەدى.
– سونداي-اق، تەستىلەۋدەن وتۋگە رەسپيراتورلىق اۋرۋ بەلگىلەرى بار، وكپە قابىنۋىمەن (پنيەۆمونيا) اۋىراتىن جانە تىنىس الۋ ورگانىنداعى سىرقاتىمەن ەسەپتە تۇرعان قالا تۇرعىندارى دا قامتىلماق. سونىمەن قاتار، جەدەل-تەستىلەۋدەن قالانىڭ قالىپتى تىرشىلىگىن قامتاماسىز ەتەتىن قىزمەتتەر مەن كاسىپورىندارىنىڭ جۇمىسشىلارى دا وتەتىن بولادى. ۆيرۋستىڭ جاسىرىن وشاعىن دەر كەزىندە انىقتاۋ ارقىلى قالاداعى ەپيدەميولوگيالىق جاعدايدى باقىلاۋدا ۇستاۋعا مۇمكىندىك بار. ءبىزدىڭ مىندەتىمىز – ءقاۋىپتى ىندەتتىڭ ءورشىپ كەتۋىنە جول بەرمەۋ، – دەدى الەۋمەتتىك جەلىدەگى پاراقشاسىندا.
پىكىر قالدىرۋ