گەرمانيانىڭ گۋمبولدت عىلىمي زەرتتەۋ ستيپەندياسىنىڭ يەگەرى، كارتوگراف، تاريحشى نۇرلان كەنجەاحمەت شىعىس جانە باتىس تاريحي مۇراعاتتارىن، ەجەلگى كارتالاردىڭ سىرىن اشىپ، زەرتتەپ جۇرگەن قازاق عالىمى. عالىم ءوزىنىڭ سوڭعى قۋانتارلىق جاڭالىقتارىن قامشى تىلشىسىنە ءبولىستى.

جاقىندا فرانكفۋرت كىتاپ كورمەسىندە نەمىستەر ەۋروپاداعى سەگىز جىلدىق ەڭبەگىنىڭ ناتيجەسى رەتىندە كىتابىن شىعارىپ بەرىپ جاتقان قازاق عالىمىن ەندى گارۆارد ۋنيۆەرسيتەتى جۇمىسقا شاقىرىپ جاتىر ەكەن. قازاقتىڭ تاريحي جەرلەرىنىڭ سىرلارىن ەۋروپانىڭ، جاپونيانىڭ ەجەلگى كارتالارى ارقىلى اشىپ جۇرگەن عالىم ەپيدەميا باسىلسا، وسى تامىزدان باستاپ گارۆارد ۋنيۆەرسيتەتىنە جول تارتانىنىن ايتتى.

گەرمانياداعى قازاق عالىمىنىڭ قازاق مەملەكەتتىگىنىڭ تاريحى تۋرالى ''توقماق (التىن وردا)، قازاق حاندىعى，شايباني，رۋم，موعولستان 14-16 عاسىر: ءتۇپنۇسقا مۇراعاتتاردان" (The Tūqmāq (Golden Horde)، the Qazaq Khanate، the Shībānid Dynasty، Rūm (Ottoman Empire)، and Moghūlistan in the XIV-XVI Centuries: from Original Sources) اتتى كىتابى جاقىندا باسپادان شىققان.

بۇل قازاقستاندا جوشى ۇلىسى مەن مۇراگەرلەرى جانە سول كەزەڭدەگى كورشىلەس ەلدەر تاريحى تۋرالى تىڭ دەرەكتەردى اشىپ، اعىلشىن تىلىندە شىققان العاشقى عىلىمي مونوگرافيا.

گەرمانيادا جىلدار بويى قازاق تاريحىن زەرتتەۋمەن اينالىسىپ جۇرگەن بىلىكتى عالىم نۇرلان كەنجەاحمەتتىڭ شىعىس جانە باتىس تاريحي دەرەكتەرىن پايدالانا وتىرىپ جازىلعان بۇل ەڭبەگى تاريحىمىزداعى اقتاڭداقتاردىڭ ورنىن تولتىراتىن بولادى.