Nur Otan پارتياسىنىڭ باسپا ءسوز قىزمەت كوميسسيا كوروناۆيرۋس ينفەكسياسىن جۇقتىرعان قىزمەتكەر تولقىناي وردابايەۆا جۇمىس ىستەيتىن جامبىل وبلىسىنداعى اۋداندىق اۋرۋحانادا زاڭبۇزۋشىلىق بارىن انىقتاعانىن حابارلادى.
"الەۋمەتتىك جەلىدە جاريالانعان ۇندەۋدەن كەيىن كەلەسى اقپارات انىقتالدى. ينفەكسيونيست-دارىگەر تولقىناي وردابايەۆا جەكە پاراقشاسىندا جامبىل وبلىسى مەركە اۋدانىنداعى اۋرۋحانادا باسشىلىق تاراپىنان زاڭبۇزۋشىلىق بولعانىن جازعان. اتالعان جازبا بويىنشا پارتيالىق باقىلاۋ كوميسسياسى تەكسەرىس جۇرگىزدى، اتالعان دەرەكتەر راستالدى. مەركە اۋداندىق اۋرۋحانا اكىمشىلىگى مەديسينا قىزمەتكەرلەرىن ماسكانى وزدەرى تىگۋدى تالاپ ەتكەن. سونداي-اق جۇمىستا ماسكالار مەن قورعانىش قۇرالدارى بەرىلمەگەن. وسىعان بايلانىستى اۋداندىق اۋرۋحانانىڭ باس دارىگەرىنىڭ مىندەتىن اتقارۋشى دانيار نۇسىپبەكوۆ پەن دەنساۋلىق ساقتاۋ سالاسىنا جەتەكشىلىك ەتەتىن اۋدان اكىمىنىڭ ورىنباسارى مارات قاسىم پارتيالىق جاۋاپكەرشىلىككە تارتىلدى، – دەلىنگەن حابارلامادا.
بۇعان دەيىن جامبىل وبلىسى مەركى اۋداندىق ورتالىق اۋرۋحاناسىنىڭ تولقىناي وردابايەۆا اتتى ينفەكسيونيست دارىگەرى قىزمەت بارىسىندا كوروناۆيرۋس جۇقتىرعانىن، ءقازىر تارازداعى ينفەكسيالىق ستاسيوناردا جاتقانىن جازعان. دارىگەر "اۋداندىق اۋرۋحانا باسشىلىعى مەديسينالىق قورعانىس قۇرالدارىمەن قامتاماسىز ەتپەدى" دەپ شاعىمدانعان.
پىكىر قالدىرۋ