بۇۇ: پاندەميا دۇنيەجۇزىلىك ازىق-تۇلىك جەتىسپۋشىلىگى ءقاۋىپىن ءتوندىرۋى مۇمكىن

/image/2020/04/13/crop-4_3_424x755_200408160147-japan-empty-shelf-exlarge-169.jpg

بۇۇ پاندەميا دۇنيەجۇزىلىك ازىق-تۇلىك جەتىسپۋشىلىگى ءقاۋىپىن ءتوندىرۋى مۇمكىن دەپ دابىل قاعۋدا، دەپ جازادى CNN.

شەكارالاردىڭ جابىلۋى، قوزعالىستىڭ شەكتەلۋى، تاسىمالداۋ جانە اۆياسيا سالالارىنداعى ۇزىلىستەر الەمدىك ازىق-تۇلىك ءوندىرىسى مەن تاۋار تاسىمالىن قيىنداتتى.

كوروناۆيرۋس جاھاندىق دەڭگەيدە بيزنەستەردى توقتاتىپ، ءتىپتى كەيبىر كاسىپورىندارعا بانكروت بولۋ ءقاۋپى تۋدى، وعان قوسا ونىمدەر جەتكىزۋ تىزبەگىنەن ءۇزىلىپ، ازىق-تۇلىك جەتىسپەۋ ءقاۋپى تۋۋى مۇمكىن.

بۇل بالاما ازىق-تۇلىكپەن قامداۋ كوزدەرى از ەلدەرگە ۇلكەن قاتەر توندىرەدى.

بۇۇ-نىڭ دۇنيەجۇزىلىك ازىق-تۇلىك قاۋىپسىزدىگى جونىندەگى كوميتەتىنىڭ دەرەگىنشە، بۇكىلالەمدىك ازىق-تۇلىك قاۋىپسىزدىگىنىڭ تۇراقسىزدىعى تابىسى تومەن ازاماتتارعا قاتتى اسەر ەتەدى.

– ۇكىمەتتەر، بيزنەس، ازاماتتىق قوعام جانە حالىقارالىق اگەنتتىكتەر پاندەميانىڭ الەمدىك ازىق-تۇلىك جانە گۋمانيتارلىق داعدارىسقا اينالۋىنىڭ الدىن الۋ ءۇشىن شۇعىل جانە ءوزارا كەلىسىلگەن ءىس-قيمىل جاساۋى كەرەك، – دەپ بۇۇ-دا اشىق حات جاريالانعان الەم كوشباسشىلارىنا.

قاتىستى تەگتەر :

قاتىستى ماقالالار