41 مىڭنان اسا الماتىلىق 42 500 تەڭگە كولەمىندە الەۋمەتتىك جاردەماقى الدى. ول تۋرالى الماتى قالاسى اكىمدىگىنىڭ باسپا ءسوز ورتالىعىندا وتكەن بريفينگتە قالالىق الەۋمەتتىك ءال-اۋقات باسقارماسىنىڭ باسشىسى راحات شيماشيەۆا مالىمدەدى. 

الماتى قالاسىنىڭ اكىمدىگىنىڭ باسپا ءسوز ورتالىعىندا قالالىق جۇمىسپەن قامتۋ ورتالىعىنىڭ ديرەكتورى ديليارا يمانقۇلوۆا ب ا ق وكىلدەرىنە ارناپ ونلاين بريفينگ وتكىزدى. ورتالىق باسشىسىنىڭ ايتۋىنشا، كارانتين كەزەڭىندە egov پلاتفورماسى ارقىلى ونلاين رەجيمدە تىركەلۋگە جانە جۇمىسسىزدىق مارتەبەسىن الۋعا بولادى.

ءدال ءقازىر جۇمىسپەن قامتۋ ورتالىعى توتەنشە جاعدايعا بايلانىستى جۇمىسسىز قالعان ادامدار اراسىندا مونيتورينگ جۇرگىزۋدە. مەملەكەت ەسەبىنەن تابىسىنان ايىرىلعاندارعا تابىستارىنىڭ 40% كولەمىندە الەۋمەتتىك جاردەماقى تاعايىندالادى. بۇل قاراجات ولاردىڭ جارتى جىل جانە 24 ايدان استام ۋاقىت بويى رەسمي جۇمىسقا ورنالاستىرۋ كەزىندە جۇرگىزىلگەن اۋدارىمدارىنان ەسەپتەلەدى.

– ءبىز جۇمىسسىزدارعا تۇراقتى جۇمىس تابۋعا تىرىسامىز. توتەنشە جاعداي كەزىندە 49 جۇمىسقا ورنالاستىرىلدى: ولاردىڭ 26-سى تۇراقتى جۇمىس تاۋىپ، 23ء-ى ۋاقىتشا جۇمىسقا ورنالاستى، – دەدى د. يمانقۇلوۆا.

جۇمىسپەن قامتۋ ورتالىعىندا 224-20-00 جانە 221-66-11 كولل ورتالىعى جۇمىس ىستەيدى.

كۇن سايىن ەڭبەك باعدارلاماسى بويىنشا كەڭەس الۋ ءۇشىن 60-قا جۋىق ادامعا قىزمەت كورسەتىلەدى.

ەڭبەك مينيسترلىگىنىڭ شەشىمى بويىنشا جۇمىسسىزدىق مارتەبەسىن الۋ جەڭىلدەتىلىپ وتىر. ونى جۇمىسپەن قامتۋ ورتالىعىنا حابارلاسقاننان كەيىن كەلەسى كۇنى الۋعا بولادى.

بريفينگتە ديليارا يمانقۇلوۆا كارانتين كەزىندە نەسيە تولەۋ قيىندىقتارى بەلەڭ العاندىقتان قالا تۇرعىندارىنىڭ 20% بانككە ءتيىستى انىقتاما الۋ ءۇشىن جۇمىسسىزدىق تۋرالى راسىمدەلگەنىن جەتكىزدى. ءسوز سوڭىندا ورتالىق باسشىسى جۇمىس ىزدەۋشىلەرگە كارانتين كەزىندە "سكيف ترەيد"،" ماسلو دەل"،"بازيس-ا"جانە باسقا دا كومپانيالاردىڭ جۇمىسىن توقتاتپاعانىن ايتىپ، ولاردىڭ جۇمىسقا قابىلداۋعا دايىن ەكەندىگىن جەتكىزدى.