مەملەكەت باسشىسى جوعارى ەۋرازيالىق ەكونوميكالىق كەڭەس مۇشەلەرىنىڭ جۇمىس كەزدەسۋىنە قاتىسادى. بۇل تۋرالى پرەزيدەنتتىڭ باسپا ءسوز حاتشىسى بەرىك ءۋالي ءوزىنىڭ facebook پاراقشاسىندا جازدى.
14 ءساۋىر كۇنى پرەزيدەنت قاسىم-جومارت توقايەۆ بەينەكونفەرەنسيا فورماتىندا وتەتىن جوعارى ەۋرازيالىق ەكونوميكالىق كەڭەستىڭ جۇمىس ماجىلىسىنە قاتىسادى.
جيىن بارىسىندا COVID-19 ىندەتىنىڭ تارالۋىن بولدىرماۋعا جانە ەۋرازيالىق ەكونوميكالىق وداق ەلدەرىنىڭ ەكونوميكالىق تۇراقتىلىعىن قولداۋعا باعىتتالعان بىرلەسكەن شارالار تالقىلانادى.
وتىرىستىڭ قورىتىندىسى بويىنشا جوعارى ەۋرازيالىق ەكونوميكالىق كەڭەسكە مۇشە ەلدەر بىرلەسكەن مالىمدەمە قابىلداۋدى جوسپارلاپ وتىر.
پىكىر قالدىرۋ