اۋىل شارۋاشىلىعى مينيسترلىگىنىڭ باسپا ءسوز قىزمەتى كوكتەمگى ەگىس جۇمىستارىن وتكىزۋ قاجەتتىگىنە بايلانىستى فەرمەرلەرگە بلوكپوستاردان ەش كەدەرگىسىز ءوتۋ مۇمكىندىگى بەرىلەتىنىن حابارلادى.
"مەملەكەت باسشىسىنىڭ تاپسىرماسىن ورىنداۋ ماقساتىندا وبلىس اكىمدىكتەرى اۋىل شارۋاشىلىعى تاۋارلارىن وندىرۋشىلەردىڭ، اۋىل شارۋاشىلىعى تەحنيكاسى مەن تاۋارلىق-ماتەريالدىق زاتتاردى جەتكىزۋشىلەردىڭ ەش قيىندىقسىز قوزعالىسىن قامتاماسىز ەتۋ بويىنشا ءتيىستى الگوريتمدى دايىندادى. وبلىس اكىمدىكتەرى ءوڭىر اۋماعىنداعى قوزعالىسقا رۇقساتنامانى الۋدىڭ ەلەكتروندىق پورتالدارىن ازىرلەپ، ىسكە قوستى.
اتالعان وتىنىمگە ەلەكتروندىق فورماتتا كاسىپورىن باسشىسى قول قويادى. وسى قۇجات ەلەكتروندىق بازاعا ەنگىزىلىپ، اۆتوماتتى تۇردە بارلىق بلوكپوستارعا جەتكىزىلەدى، سونداي-اق بلوكپوستاردان وتۋگە رۇقسات ەتىلەدى. كوكتەمگى ەگىس جۇمىستارىن ۋاقىتىلى جۇرگىزۋدىڭ ماڭىزدىلىعىن ەسكەرە وتىرىپ، اۋىل شارۋاشىلىعى تاۋرالارىن وندىرۋشىلەر ءۇشىن "جاسىل ءدالىز" قاعيداتى بويىنشا جەڭىلدەتىلگەن بولەك ءتارتىپتى بەكىتۋدى ۇسىنامىز" دەلىنگەن مينيسترلىك تاراتقان اقپاراتتىق حابارلامادا.
پىكىر قالدىرۋ