16 ساۋىردە قاراعاندى وبلىسىندا قۇلاعان اسكەري ۇشاقتا بولعان ەكى ۇشقىشتىڭ ءبىرىنىڭ جاعدايى ورتاشا اۋىر. بۇل تۋرالى قازاقستاننىڭ قورعانىس مينيسترلىگىنىڭ باسپا ءسوز قىزمەتى حابارلادى.
"قازاقستاننىڭ اۋە اسكەري كۇشتەرىنىڭ قۇتقارۋ-ىزدەۋ قىزمەتى ۇشاق اپاتى بولعان جەرگە ءبىرىنشى بولىپ جەتتى. ۇشقىشتارعا العاشقى جەدەل مەديسينالىق كومەك كورسەتىلدى، ودان كەيىن قاراعاندى قالاسىنداعى اۋرۋحاناعا جەتكىزىلدى. قازىرگى كەزدە ۇشقىشتارعا قاجەتتى مەديسينالىق كومەك كورسەتىلىپ جاتىر. بىرەۋىنىڭ جاعدايى ءبىرقالىپتى، ەكىنشىسىنىڭ جاعدايى ورتاشا اۋىر" دەلىنگەن مينيسترلىك حابارلاماسىندا.
قورعانىس مينيسترلىگىنىڭ حابارلاۋىنشا، اسكەري ۇشاقتى پودپولكوۆنيك ا.كۇرمانعالييەۆ پەن پودپولكوۆنيك ي. گاۆريلكو باسقارعان.
پىكىر قالدىرۋ